കൊച്ചി: ബോഡി ബില്ഡര്മാരെ ആംഡ് പൊലീസ് ഇന്പെക്ടര്മാരായി നിയമിച്ചത് ചോദ്യം ചെയ്തുള്ള ഹര്ജി നിലനില്ക്കില്ലെന്ന് സര്ക്കാര് ഹൈക്കോടതിയില്.ഷിനു ചൊവ്വ, ചിത്തരെഷ് നടേശന് എന്നിവരെ നിയമിച്ചതിനെതിരെ നല്കിയ ഹര്ജിയിലാണ് അഴിമതി നിയമന നിരോധന പ്രകാരം കേസ് നിലനില്ക്കില്ലെന്ന് സര്ക്കാര് കോടതിയില് വാദമുയര്ത്തിയത്.കായിക ക്ഷമതയില്ലെന്ന് തെളിഞ്ഞല്ലോയെന്നും ടെസ്റ്റ് നടത്തിയപ്പോ കുഴഞ്ഞുവീണല്ലോ എന്നും കോടതി ചോദിച്ചു.ടെസ്റ്റില് പരാജയപ്പെട്ട കാര്യം മന്ത്രിസഭയെ അറിയിച്ചില്ലെന്നത് ഗൗരവതരമാണെന്ന് കോടതി ചൂട്ടിക്കാട്ടി.
41 വയസുള്ളയാളെയാണ് പൊലീസില് എടുക്കുന്നതെന്നും നടപടി ക്രമങ്ങള് ഒന്നും പാലിച്ചില്ലെന്നും പൊതുപ്രവര്ത്തകനും ഹര്ജിക്കാരനുമായ കെ എം ഷാജഹാന് കോടതിയില് പറഞ്ഞു.വലിയ നേട്ടം കൈവരിച്ചവര്ക്ക് പോലും സിപിഒ, ക്ലാര്ക്ക് തസ്തികളിലാണ് ജോലി നല്കിയതെന്ന് ഹര്ജിക്കാരന് വാദമുയര്ത്തി.ഇവര്ക്ക് സര്ക്കിള് ഇന്സ്പെക്ടര് തസ്തിക നല്കി. ഇതില് തന്നെ ചട്ടലംഘനം വ്യക്തമാണ്. മറ്റ് കായിക താരങ്ങള്ക്ക് ഇല്ലാത്ത പരിഗണന എങ്ങനെയാണ് ഇവര്ക്ക് കിട്ടിയത്.റൂള്സ് എല്ലാവര്ക്കും ഒരുപോലെ ആകേണ്ടേ എന്നും ഹര്ജിക്കാരന് ചോദിച്ചു.നിയമനത്തിലെ അഴിമതി അന്വേഷിക്കണമെന്നാണ് ഹര്ജിയില് ആവശ്യപ്പെടുന്നത്.
പിണറായി സര്ക്കാരിന്റെ കാലത്താണ് ബോഡി ബില്ഡര്മാര്ക്ക് നിയമനം നല്കിയത്.എന്നാല് ചട്ട പ്രകാരം ബോഡി ബില്ഡര്മാര്ക്ക് കായിക മേഖലയില് നിന്നുളള നിയമനം നല്കാനാവില്ലെന്നാണ് പറയുന്നത്.
