തിരുവനന്തപുരം: പി.എസ്.സി.യിലെ ക്രമക്കേടുകളും ഒഴിവുകളുടെ വിവരങ്ങൾ പങ്കുവെക്കണമെന്നും അർഹർക്ക് നിയമനങ്ങൾ നടത്തണമെന്നും ആവശ്യപ്പെട്ട് ഈ മാസം 21 മുതൽ സെക്രട്ടറിയേറ്റിനുമുന്നിൽ പി.എസ്.സി. ഉദ്യോഗാർത്ഥികൾ അനിശ്ചിതകാല സമരം നടത്താൻ തീരുമാനിച്ചിരിക്കുകയാണ്. സി.ജെ.പി. മാതൃകയിൽ നടത്തുന്ന സമരത്തിൽ അഭിജിത്ത് ദിപികെയ്ക്ക് ക്ഷണമുണ്ട്.
ജൂലായ് 30-ന് സെക്രട്ടേറിയേറ്റിനുമുന്നിൽ ‘ജെൻസി സ്ട്രൈക്ക്’ നടത്തിയ പി.എസ്.സി. റാങ്ക് ഹോൾഡേഴ്സ് കൂട്ടായ്മയാണ് സമരം പ്രഖ്യാപിച്ചത്. ഉദ്യോഗാർഥികൾക്കുവേണ്ടി ഓൾ കേരള പി.എസ്.സി. ഡ്രൈവർ റാങ്ക് ഹോൾഡേഴ്സ് കോഡിനേഷൻ കമ്മിറ്റി ആദ്യഘട്ടത്തിൽ സമരത്തിനിറങ്ങും. ഉദ്യോഗാർഥികൾ ജെൻസി സ്ട്രൈക്ക് നടത്തിയപ്പോൾ പി.എസ്.സി.യിലെ പിൻവാതിൽ നിയമനങ്ങൾ അവസാനിപ്പിക്കണം എന്നതടക്കമുള്ള ആവശ്യങ്ങൾ മുന്നോട്ടു വെച്ചിരുന്നു.
