കൊല്ക്കത്ത: പശ്ചിമ ബംഗാള് മുന് ഡെപ്യൂട്ടി സ്പീക്കറും മന്ത്രിയുമായ ആശിഷ് ബാനര്ജിയെ ആത്മഹത്യ ചെയ്ത നിലയില് കണ്ടെത്തി. ബിര്ഭും ജില്ലയില് തന്റെ വസതിക്ക് സമീപത്തെ തൃണമൂല് കോണ്ഗ്രസ് ഓഫീസിനകത്താണ് ആശിഷ് ബാനര്ജിയെ മരിച്ച നിലയില് കണ്ടെത്തിയതെന്ന് പൊലീസ് വൃത്തങ്ങള് അറിയിച്ചു.മൃതദേഹം കെട്ടിത്തൂങ്ങിയ നിലയിലായിരുന്നു.
ടിഎംസി ഓഫീസില് നിന്നും ആശിഷ് ബാനര്ജിയുടെ ആത്മഹത്യാ കുറിപ്പ് കണ്ടെത്തിയിട്ടുണ്ട്. ആശിഷിന്റെ മൃതദേഹം പോസ്റ്റ് മോര്ട്ടത്തിനായി അയച്ചിട്ടുണ്ട്. മരണത്തിലേക്ക് നയിച്ച കാരണം വ്യക്തമല്ലെന്ന് പൊലീസ് പറഞ്ഞു. രാംപുർഹട്ട് മണ്ഡലത്തിൽ നിന്നും അഞ്ചുതവണ എം.എൽ.എ ആയി തിരഞ്ഞെടുക്കപ്പെട്ടിട്ടുണ്ട്.
മമത ബാനർജി മുഖ്യമന്ത്രിയായിരുന്ന കാലയളവിൽ നിയമസഭയിലെ ഡെപ്യൂട്ടി സ്പീക്കറായും അദ്ദേഹം സേവനമനുഷ്ഠിച്ചിട്ടുണ്ട്. ബംഗാൾ സർക്കാരിൽ വിദ്യാഭ്യാസ, കൃഷി മന്ത്രി സ്ഥാനങ്ങളും അദ്ദേഹം വഹിച്ചിട്ടുണ്ട്.
