തിരുവനന്തപുരം:തിരുവനന്തപുരത്ത് നിന്ന് വേളാങ്കണ്ണിയിലേക്ക് പുതിയ കെഎസ്ആര്ടിസി സൂപ്പര് ഡീലക്സ് സര്വീസ് വരുന്നു.വെട്ടുകാട് പള്ളി വഴിയാണ് സര്വീസ്. വെള്ളിയാഴ്ച മുതല് (ആഗസ്റ്റ് 14 ) ആരംഭിക്കും.
കഴിഞ്ഞ മാസം തുടങ്ങിയ തിരുവനന്തപുരം – വേളാങ്കണ്ണി സൂപ്പര് ഫാസ്റ്റ് സര്വീസിന് മികച്ച പ്രതികരണം ലഭിച്ചിരുന്നു. വിഴിഞ്ഞം- പൂവാര്- കളിയിക്കാവിള- നാഗര്കോവില്- തിരുനെല്വേലി, മധുര- ട്രിച്ചി- തഞ്ചാവൂര് വഴിയാണ് ബസ് വേളാങ്കണ്ണിയിലെത്തുക.വെള്ളിയാഴ്ച വൈകിട്ട് ആറിന് തിരുവനന്തപുരത്തുനിന്ന് പുറപ്പെടുന്ന ബസ് 6.30ന് വെട്ടുകാട് പള്ളിയിലെത്തും.6.50ന് വിഴിഞ്ഞം, 7.15ന് പൂവാര്, 7.35ന് കളിയിക്കാവിള, 8.30ന് നാഗര്കോവില്, രാത്രി 10.20ന് തിരുനെല്വേലി എന്നിവിടങ്ങളില് ബസ് എത്തും.പുലര്ച്ചെ ഒരു മണിക്ക് മധുര, 3.10ന് ട്രിച്ചി, 4.20ന് തഞ്ചാവൂര് എന്നിവിടങ്ങളിലെത്തിയ ശേഷം രാവിലെ 6.30ന് വേളാങ്കണ്ണിയിലെത്തും.
തിരികെ ശനിയാഴ്ച വൈകിട്ട് ആറിന് വേളാങ്കണ്ണിയില്നിന്ന് ബസ് പുറപ്പെടും.സര്വീസ് രാത്രി 8.10ന് തഞ്ചാവൂര്, 9.40ന് ട്രിച്ചി, 11.50ന് മധുര, പുലര്ച്ചെ 2.30ന് തിരുനെല്വേലി, 3.50ന് നാഗര്കോവില്, 4.45ന് കളിയിക്കാവിള, 5.05ന് പൂവാര്, 5.30ന് വിഴിഞ്ഞം, 5.50ന് വെട്ടുകാട് പള്ളി എന്നിവിടങ്ങളിലെത്തും. രാവിലെ 6.15ന് തിരുവനന്തപുരത്ത് സര്വീസ് അവസാനിപ്പിക്കും. ‘Ente KSRTC Neo-OPRS’ മൊബൈല് ആപ്പ് വഴിയോ കെ.എസ്.ആര്.ടി.സിയുടെ ഔദ്യോഗിക വെബ്സൈറ്റ് വഴിയോ ടിക്കറ്റുകള് ബുക്ക് ചെയ്യാം.
