തിരുവനന്തപുരം:യൂട്യൂബ് വ്ളോഗര് ശാലു പേയാടിനെതിരെ വയോധികയെ മര്ദിച്ചെന്ന പരാതിയില് കേസെടുത്തു.പുറത്തുവന്ന സിസിടിവി ദൃശ്യങ്ങള് കണക്കിലെടുത്താണ് പൊലീസ് കേസെടുത്തത്.
വീടുവച്ച് നല്കാമെന്ന് വാഗ്ദാനം ചെയ്ത കബളിപ്പിച്ചെന്നും ശാലു പേയാടിനെതിരെ ആരോപണമുണ്ട്.പിരിച്ച പണം മുഴുവനായും നല്കാത്തത് ചോദിച്ചതിന് പിന്നാലെ ആക്രമണമെന്നും പരാതിയുണ്ടായിരുന്നു.
അതേസമയം, ആരോപണങ്ങള് നിഷേധിച്ച് ശാലു പേയാടും സമൂഹമാധ്യമത്തിലൂടെ രംഗത്ത് വന്നു.വയോധികയാണ് തന്നെ കബളിപ്പിച്ചത്.മകള് മരിച്ച് പോയെന്ന് വയോധിക വിശ്വസിപ്പിച്ചു.എന്നാല് അവര് കൊല്ലത്തുണ്ടെന്ന് പിന്നീട് മനസിലായി.വയോധിക പൊലീസ് സ്റ്റേഷനിലെത്തി അക്രമം കാട്ടിയ ദൃശ്യങ്ങളുണ്ടെന്നും പറഞ്ഞു.താന് മര്ദിച്ചിട്ടില്ലെന്നും എന്നും ശാലു പേയാട് വ്യക്തമാക്കി. സമീപത്തെ വീട്ടുകാര് എടുത്ത വിഡിയോ ആണ് സോഷ്യല് മീഡിയയില് പ്രചരിക്കുന്നത്.
