പത്തനംതിട്ട: ശബരിമലയ്ക്ക് സമീപം നിലയ്ക്കലില് ഡ്യൂട്ടി ചെയ്യവെ കുഴഞ്ഞു വീണ് പരിക്കേറ്റ പൊലീസ് ഉദ്യോഗസ്ഥന് മരിച്ചു. പത്തനംതിട്ട കണ്ട്രോള് റൂമില് ജോലി ചെയ്തുവന്നിരുന്ന സീനിയര് സിവില് പൊലീസ് ഓഫീസര് (ഗ്രേഡ്) ഷെഫീഖ് (41 ) ആണ് മരിച്ചത്.
നിലയ്ക്കല് വച്ച് കഴിഞ്ഞ മാസം മൂന്നിനാണ് അപസ്മാരം ബാധിച്ച് കുഴഞ്ഞുവീണത്. ഗുരുതരപരിക്കേറ്റ് തിരുവല്ലയിലെ സ്വകാര്യ മെഡിക്കല് കോളേജ് ആശുപത്രിയില് ചികിത്സയിലായിരുന്നു.
മൃതദേഹം പത്തനംതിട്ട പൊലീസ് ആസ്ഥാനത്തെ ക്യാമ്പില് പൊതുദര്ശനത്തിന് ശേഷം പത്തനംതിട്ട ആനപ്പാറയിലുള്ള വീട്ടില് എത്തിച്ചു.ഖബറടക്കം തിങ്കളാഴ്ച. ഷെഫീഖിന്റെ പിതാവ് മുഹമ്മദ് ശരീഫ് പത്തനംതിട്ടയിലെ വിവിധ സ്റ്റേഷനുകളില് സബ് ഇന്സ്പെക്ടറായി സേവനമനുഷ്ഠിച്ചിട്ടുണ്ട്.
