കോഴിക്കോട്: പയ്യോളിയില് ഗര്ഭിണിയായിരുന്ന ഷമീമ വെന്റിലേറ്ററില് ചികിത്സയിലിരിക്കെ മരിച്ച സംഭവത്തില് ഭര്ത്താവിനെതിരെ ഗുരുതര ആരോപണവുമായി ബന്ധുക്കള്.ഷമീമയെ ഭര്ത്താവ് ക്രൂരമായി മര്ദിച്ചിരുന്നെന്നും മരണത്തില് സംശയമുണ്ടെന്നും ബന്ധുക്കള് പറഞ്ഞു.
ഒന്നരമാസം മുമ്പ് വീട്ടില് അബോധാവസ്ഥയില് കണ്ടെത്തിയതിത്തെുടര്ന്ന് മെഡിക്കല് കോളേജ് ആശുപത്രിയില് പ്രവേശിപ്പിച്ച ഷമീമ കഴിഞ്ഞ ദിവസമാണ് മരിച്ചത്. ആറു മാസം ഗര്ഭിണിയായ ഷമീമയെ ഒന്നരമാസം മുമ്പ് ഭര്ത്താവിന്റെ അരിക്കുളത്തെ വീട്ടിലാണ് അബോധാവസ്ഥയില് കണ്ടെത്തിയത്. തുടര്ന്ന് കോഴിക്കോട് മെഡിക്കല് കോളേജ് ആശുപത്രി വെന്റിലേറ്ററില് ചികില്സയിലായിരുന്നു.
ഭര്ത്താവ് നവാസില് നിന്നുളള പീഡനങ്ങളെക്കുറിച്ച് ഷമീമ ഫോണില് വിളിച്ചറിയിച്ചിരുന്നുവെന്ന് സഹോദരന് പറഞ്ഞു. കഴിഞ്ഞ ദിവസം തന്നെയും ഷമീമയുടെ ഭര്ത്താവ് നവാസ് ആക്രമിച്ചെന്നും സഹോദരന് വെളിപ്പെടുത്തി.മൂന്നു വര്ഷം മുമ്പാണ് ഷമീമയുടെ വിവാഹം നടന്നത്.ആദ്യവിവാഹത്തില് ഒരു മകളുണ്ട്.
കൊയിലാണ്ടി പൊലീസ് കേസെടുത്ത് അന്വേഷണം ആരംഭിച്ചു.ആരോപണങ്ങള് നിഷേധിച്ച ഷമീമയുടെ ഭര്ത്താവിന്റെ കുടുംബം ഷമീമയ്ക്ക് മറ്റ് ആരോഗ്യ പ്രശ്നങ്ങള് ഉണ്ടായിരുന്നെന്ന് പറഞ്ഞു.
