കോട്ടയം: മണര്കാട് പള്ളിയ്ക്കു സമീപം നിയന്ത്രണംവിട്ട ബൈക്ക് വളവില് തെന്നി സ്വകാര്യ ബസിനടിയിലേയ്ക്ക് വീണ് യുവതിയ്ക്ക് ദാരുണാന്ത്യം. അയര്ക്കുന്നം കൊങ്ങാണ്ടൂര് വാലുമ്മേല്ക്കുന്നേല് ശ്രീദേവി മനോജാണ് (23) മരിച്ചത്. ബൈക്ക് ഓടിച്ചിരുന്ന സഹോദരനെ ഗുരുതരമായ പരിക്കുകളോടെ ആശുപത്രിയില് പ്രവേശിപ്പിച്ചു.
ബൈക്കില് അയര്ക്കുന്നത് നിന്നും മണര്കാട് കവലയിലേയ്ക്ക് വരുന്നതിനിടെ വളവില് വച്ച് റോഡില് തെന്നി മറിഞ്ഞ ബൈക്ക് കോട്ടയത്ത് നിന്ന് പാലായിലേയ്ക്കു പോവുകയായിരുന്ന സ്വകാര്യ ബസിന്റെ അടിയിലേയ്ക്ക് ഇടിച്ചുകയറുകയായിരുന്നു. യുവതി തത്ക്ഷണം മരിച്ചു. സംഭവത്തില് മണര്കാട് പൊലീസ് കേസെടുത്തു. അപകടത്തിന്റെ ബസില് നിന്നുള്ള സിസിടിവി ദൃശ്യങ്ങള് പുറത്തുവന്നിട്ടുണ്ട്.
നിയന്ത്രണംവിട്ട ബൈക്ക് വളവില് തെന്നി സ്വകാര്യ ബസിനടിയിലേയ്ക്ക് വീണ് യുവതിയ്ക്ക് ദാരുണാന്ത്യം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.