തിരുവനന്തപുരം: പൊലീസിനെ വെല്ലുവിളിച്ച അര്ജുന് ആയങ്കിയെ വേഗം പിടികൂടാന് ആഭ്യന്തരമന്ത്രി രമേശ് ചെന്നിത്തലയുടെ നിര്ദേശം. ഓപ്പറേഷന് തൂഫാന്റെ അടുത്ത ഘട്ടം ഉടന് ആരംഭിക്കും. ഓണം പ്രമാണിച്ച് കൂടുതല് ജാഗ്രത പുലര്ത്തും. തദ്ദേശ സ്ഥാപനങ്ങളെ ചേര്ത്ത് പുതിയ പദ്ധതി ആരംഭിക്കും. ലഹരി മാഫിയ ഒതുങ്ങി. അത് അവരുടെ തന്ത്രമാണെന്ന് ചെന്നിത്തല പറഞ്ഞു.സര്ക്കാര് എപ്പോഴെങ്കിലും പിന്വലിയും, അപ്പോള് വീണ്ടും ഇറങ്ങാം എന്ന ചിന്തയാണ് അവര്ക്ക്. എന്നാല് സര്ക്കാര് എപ്പോഴും ഉണര്ന്നിരിക്കുമെന്നും മന്ത്രി വ്യക്തമാക്കി.
എറണാകുളത്താണ് അവസാനമായി അര്ജുന് ആയങ്കിയുടെ മൊബൈല് ടവര് ലൊക്കേഷന് കാണിച്ചിരുന്നത്. ഇതിന്റെ അടിസ്ഥാനത്തില് പരിശോധന ശക്തമാക്കിയിട്ടുണ്ട്.അതേസമയം അര്ജുന് ആയങ്കിയുടെ സോഷ്യല് മീഡിയ മറ്റാരെങ്കിലുമാണോ ഉപയോഗിക്കുന്നത് എന്നും പൊലീസ് സംശയിക്കുന്നുണ്ട്. രമേശ് ചെന്നിത്തലയെയും ഈ ക്രിമിനല് വെല്ലുവിളിച്ചിരുന്നു.’ വിരട്ടരുത്, വളര്ന്ന പാര്ട്ടി വേറെയാണ് ‘ എന്നാണ് വെല്ലുവിളി’. പൊലീസിനെ അര്ജുന് ആയെങ്കി വെല്ലുവിളിച്ചതിന് പിന്നാലെ രമേശ് ചെന്നിത്തല ഇനി എന്ത് സംഭവിക്കുമെന്ന് നോക്കാമെന്ന് കഴിഞ്ഞ ദിവസം പറഞ്ഞിരുന്നു.തുടര്ന്നായിരുന്നു അദ്ദേഹത്തെയും അര്ജുന് ആയെങ്കി വെല്ലുവിളിച്ചത്.
അതേസമയം അര്ജുന് ആയങ്കിയുടെ സോഷ്യല് മീഡിയ മറ്റാരെങ്കിലുമാണോ ഉപയോഗിക്കുന്നത് എന്ന് പൊലീസിന് സംശയമുണ്ട്.തന്നെയും സുഹൃത്തുക്കളെയും പ്രതി ചേര്ത്ത് ജയിലിലടച്ച കേസില് പുനരന്വേഷണം നടത്തണമെന്നും സാമൂഹ്യ മാധ്യമത്തിലൂടെ അര്ജുന് ആയെങ്കി ചെന്നിത്തലയോട് ആവശ്യപ്പെട്ടിരുന്നു.അന്വേഷണശേഷം താന് നിരപരാധിയെങ്കില് കള്ളക്കേസെടുത്ത് അധികാരദുര്വിനിയോഗം ചെയ്ത സിഐ പ്രശാന്തനെതിരെ നടപടിയെടുക്കാനും ആയങ്കി ചെന്നിത്തലയെ വെല്ലുവിളിക്കുന്നു. എങ്കില് താങ്കളെ നേരിട്ട് വന്ന് പൊന്നാടയണിയിക്കും. ഒരുമ്മ തരും. അല്ലാണ്ട് വിരട്ടരുത്. വളര്ന്ന പാര്ട്ടി വേറെയാണ് അര്ജ്ജുന് ആയങ്കി ഫേസ്ബുക്കില് കുറിച്ചു.
നേരത്തേ സി പി എമ്മിന് വേണ്ടി ഗുണ്ടാപ്പണി ചെയ്തിരുന്ന ആളാണ് അര്ജുന് ആയെങ്കി. പിന്നീട് സ്വര്ണം പൊട്ടിക്കലിലേക്ക് തിരിഞ്ഞു.
