കൊച്ചി: കേരള സ്‌കൂൾ ഓഫ് മെന്റലിസം ഇന്റർനാഷണലിന്റെ നേതൃത്വത്തിൽ കൊച്ചിയിൽ വിദ്യാർത്ഥികൾ സംഘടിപ്പിച്ച ‘ സേ നോ ടു ഡ്രഗ്‌സ്- ലഹരിവിരുദ്ധ ബോധവൽക്കരണ റാലി ശ്രദ്ധേയമായി. ‘തൂഫാൻ’ പദ്ധതി അടിസ്ഥാനമാക്കി സംഘടിപ്പിച്ച കാമ്പയിൻ കൊച്ചി മേയർ ഉദ്ഘാടനം ചെയ്തു.
കൊച്ചി സീപോർട്ട്-എയർപോർട്ട് റോഡിലൂടെ 38-ഓളം പേർ കണ്ണുമൂടിക്കെട്ടി കാറുകളും ബൈക്കുകളും ഓടിച്ച് ലഹരിക്കെതിരായ ശക്തമായ സന്ദേശം സമൂഹത്തിന് കൈമാറി. ഈ പരിപാടി ഒരു വേൾഡ് റെക്കോർഡ് ശ്രമം കൂടിയായിരുന്നു.
ചലച്ചിത്ര താരങ്ങളായ വിനു മോഹനും അനു മോഹനും മുഖ്യാതിഥികളായി. ഇരുവരും റാലിയുടെ ഭാഗമായിക്കൊണ്ട് കണ്ണുമൂടിക്കെട്ടി കാറും ബൈക്കും ഓടിച്ച് പരിപാടിക്ക് പിന്തുണ അറിയിച്ചു.
ലഹരിയുടെ ദൂഷ്യഫലങ്ങളെക്കുറിച്ച് സമൂഹത്തിൽ അവബോധം വളർത്തുകയും യുവതലമുറയെ ലഹരിയിൽ നിന്ന് അകറ്റുകയും ചെയ്യുക എന്ന ലക്ഷ്യത്തോടെയാണ് വ്യത്യസ്തമായ ഈ റാലി സംഘടിപ്പിച്ചത്.
