മുംബൈ: മഹാരാഷ്‌ട്രയിലെ അന്തരിച്ച എന്‍സിപി നേതാവ് അജിത് പവാറിന്റെ ഭാര്യും ഇപ്പോള്‍ മഹാരാഷ്ട്ര ഉപമുഖ്യമന്ത്രിയുമായ സുനേത്ര പവാറിനെ മിണ്ടാപ്പാവ എന്ന് കളിയാക്കിയ കോണ്‍ഗ്രസ് പ്രതിരോധത്തില്‍. ഈ പ്രസ്താവനയുടെ പേരില്‍ കോണ്‍ഗ്രസിനെതിരെ വ്യാപകമായി പ്രതിഷേധ കമന്‍റുകള്‍ ഉയര്‍ന്നിരുന്നു.
മഹാരാഷ്‌ട്രയിലെ കോണ്‍ഗ്രസ് പ്രസിഡന്‍റ് ഹര്‍ഷ വര്‍ധന്‍ സപ് കാലാണ് തിലക് ഭവനില്‍ നടത്തിയ വാര്‍ത്താസമ്മേളനത്തില്‍ ആണ് സുനേത്ര പവാറിനെ മിണ്ടാപ്പാവ എന്ന അര്‍ത്ഥത്തില്‍ ഹിന്ദിയില്‍ ‘ഗുംഗി ഗുഡിയ’ എന്ന് പരിഹസിച്ചത്. മഹാരാഷ്‌ട്രയിലെ കോണ്‍ഗ്രസ് ഓഫീസിലേക്ക് എന്‍സിപി പ്രവര്‍ത്തകര്‍ മാര്‍ച്ച് നടത്തി.ഉറക്കെ മുദ്രാവാക്യം വിളിച്ചെത്തിയ എന്‍സിപി പ്രവര്‍ത്തകര്‍ വലിയ പ്രകോപനം സൃഷ്ചിച്ചു. ഇതോടെ ഇവരെ കൊളാബ പൊലീസ് അറസ്റ്റ് ചെയ്ത് നീക്കി. ഇതോടെ കോണ്‍ഗ്രസ് ഓഫീസിന് മുന്നിലെ സുരക്ഷ വര്‍ധിപ്പിച്ചു.
കോണ്‍ഗ്രസിന് ഉചിതമായ സമയത്ത് താന്‍ മറുപടി നല്‍കുമെന്ന് സുനേത്ര പവാര്‍ പറഞ്ഞു. പക്ഷെ ഈ വിമര്‍സനത്തിനെതിരെ വ്യാപകമായ എതിര്‍പ്പ് ഉയര്‍ന്നതോടെ മഹാരാഷ്‌ട്രയിലെ കോണ്‍ഗ്രസ് പ്രസിഡന്‍റ് ഹര്‍ഷ വര്‍ധന്‍ സപ് കാല്‍ മാപ്പ് പറയുകയായിരുന്നു.
