തിരുവനന്തപുരം : മഴക്കെടുതി ദുരിതം വിതച്ച ആറന്മുളയും റാന്നിയും ഉള്‍പ്പടെ പത്തനംതിട്ടയിലെ ദുരിതബാധിത മേഖലകള്‍ മുഖ്യമന്ത്രി വി ഡി സതീശന്‍ ചൊവ്വാഴ്ച സന്ദര്‍ശിക്കും. ഉച്ചയ്‌ക്ക്12 മണിയോടെ മുഖ്യമന്ത്രി ആറന്മുളയില്‍ എത്തും.ആറന്മുളയില്‍ മഴ മാറി നില്ക്കുന്നുണ്ടെങ്കിലും ജനങ്ങളില്‍ ആശങ്കയുണ്ട്. ജലനിരപ്പ് ഉയരുന്നുണ്ട്.
ജനങ്ങള്‍ ദുരിതം അനുഭവിക്കുമ്പോള്‍ ഹെലികോപ്റ്ററില്‍ അസുഖബാധിതനായ ഭാര്യാപിതാവിനെ കാണാന്‍ പോയതില്‍ വി ഡി സതീശനെതിരെ വിമര്‍ശനം ഉയര്‍ന്നിരുന്നു.യൂത്ത് ലീഗ് നേതാവിന്റെ വീട്ടില്‍ വിരുന്നിനെത്തിയതും വിമര്‍ശനവിധേയമായി.
ഇത് കൂടി കണക്കിലെടുത്താണ് മുഖ്യമന്ത്രി മഴക്കെടുതി ബാധിതരെ കാണാനൊരുങ്ങുന്നത്.അതേസമയം, ചൊവ്വാഴ്ച 12 ജില്ലകളില്‍ ഓറഞ്ച് ജാഗ്രത പഖ്യാപിച്ചു . തിരുവനന്തപുരം കൊല്ലം ഒഴികെയുള്ള എല്ലാ ജില്ലകളിലുമാണ് അതിശക്തമായ മഴയ്‌ക്കുള്ള മുന്നറിയിപ്പ്. തിരുവനന്തപുരം കൊല്ലം ജില്ലകളില്‍ മഞ്ഞ ജാഗ്രതയാണ്.
കേരള, കര്‍ണാടക, ലക്ഷദ്വീപ് തീരങ്ങളില്‍ മത്സ്യബന്ധനത്തിന് വിലക്കുണ്ട്. ചെറുവള്ളങ്ങളില്‍ പോലും കടലില്‍ പോകരുതെന്നാണ് നിര്‍ദേശം.
