തിരുവനന്തപുരം: പി എസ് സിയുടെ പത്താം തരം പ്രാഥമിക പരീക്ഷ (ഒന്നാം ഘട്ടം, മൂന്നാം ഘട്ടം, നാലാം ഘട്ടം) മതിയായ കാരണങ്ങളാല് എഴുതാന് കഴിയാത്തവര്ക്ക് വീണ്ടും അവസരം.
2026 ജൂലായ് 18-ന് നടന്ന പത്താംതരം പ്രാഥമിക പരീക്ഷ (ഒന്നാം ഘട്ടം), 2026 ആഗസ്ത് 1-ന് നടന്ന മൂന്നാം, നാലാം ഘട്ട പ്രാഥമിക പരീക്ഷകള് എന്നിവ മതിയായ കാരണങ്ങളാല് എഴുതാന് കഴിയാതിരുന്ന ഉദ്യോഗാര്ഥികള്ക്കാണ് വീണ്ടും പരീക്ഷ എഴുതാന് അവസരം നല്കുന്നത്.
പരീക്ഷാദിവസം അംഗീകൃത സര്വകലാശാല/സ്ഥാപന പരീക്ഷ ഉണ്ടായിരുന്നവര്, അപകടമോ അസുഖമോ മൂലം ചികിത്സയിലായിരുന്നവര്, പ്രസവസംബന്ധമായ അസുഖമുള്ളവര്, സ്വന്തം വിവാഹം നടന്നവര്, അടുത്ത ബന്ധുവിന്റെ മരണത്തെ തുടര്ന്ന് പരീക്ഷ എഴുതാന് കഴിയാതിരുന്നവര് എന്നിവര്ക്ക് വീണ്ടും പരീക്ഷ എഴുതാന് അവസരം ലഭിക്കും.കൂടാതെ പത്തനംതിട്ട, കോട്ടയം, ഇടുക്കി ജില്ലകളില് ആഗസ്ത് 1-ലെ കനത്ത മഴയും പ്രകൃതിക്ഷോഭവും കാരണം പരീക്ഷയില് പങ്കെടുക്കാന് കഴിയാതിരുന്നവര്ക്കും അവസരം ലഭിക്കും.ഇതിനായി ആവശ്യമായ രേഖകള് ഹാജരാക്കണം.പുനഃപരീക്ഷ ആഗസ്ത് 22-ന് രാവിലെ 10.30 മുതല് 12.05 വരെ നടക്കും.
ഉദ്യോഗാര്ഥികള് ആവശ്യമായ രേഖകളുമായി അവരുടെ പരീക്ഷാകേന്ദ്രം ഉള്പ്പെടുന്ന പി.എസ്.സി ജില്ലാ ഓഫീസില് (തിരുവനന്തപുരം ജില്ലക്കാര് പി.എസ്.സി ആസ്ഥാന ഓഫീസിലെ ഇ.എഫ് വിഭാഗത്തില്) നേരിട്ട് അപേക്ഷ സമര്പ്പിക്കണം. 2026 ആഗസ്ത് 7 ന് വൈകിട്ട് 5.15-നകം ലഭിക്കുന്ന അപേക്ഷകള് മാത്രമേ പരിഗണിക്കൂ. ആഗസ്റ്റ് 3-ന് മുമ്പുള്ള അപേക്ഷകള് പരിഗണിക്കില്ല. തപാല് വഴിയോ ഇ-മെയില് വഴിയോ അയക്കുന്ന അപേക്ഷകള് സ്വീകരിക്കില്ല.
എറണാകുളം
