തിരുവനന്തപുരം കേരളത്തിലെ സെലിബ്രിറ്റികളെ മുഴുവന് പാറ്റ സമരത്തെ അനുകൂലിക്കാന് മമ്മൂട്ടിയെപ്പോലുള്ളവര് വരെ വേട്ടയാടുപ്പെട്ടുവെന്ന് റിപ്പോര്ട്ടുകള്. സെലിബ്രിറ്റികളെ വരെ വേട്ടയാടുന്ന ഇത്തരം രാഷ്ട്രീയഭ്രാന്ത് പിടിച്ച വേട്ടപ്പട്ടികളെ പ്രേരണാക്കുറ്റം ചുമത്തി നിയമത്തിന്റെ മുന്നില് കൊണ്ടുവരണമെന്ന ആവശ്യം ശക്തമാവുന്നു.
മമ്മൂട്ടിയെപ്പോലുള്ളവര് വരെ ആദ്യഘട്ടത്തില് പാറ്റ സമരത്തെ പിന്തുണയ്ക്കാതിരുന്നപ്പോള് സൈബര് ആക്രമണം വര്ധിച്ചു. കേന്ദ്രസര്ക്കാരിന്റെ പുരസ്കാരങ്ങള് വാങ്ങിയതുകൊണ്ടാണ് പാറ്റ സമരത്തെ പിന്തുണയ്ക്കാതിരിക്കുന്നത് എന്നുവരെ മമ്മൂട്ടിയുടെ പേജില് നിരവധി പേര് സന്ദേശങ്ങളുമായി എത്തി. ഇത്തരം സൈബര് സമ്മര്ദ്ദം അസഹനീയമായപ്പോഴാണ് അതില് നിന്നും രക്ഷനേടാന് മമ്മൂട്ടിക്ക് പ്രതികരിക്കേണ്ടിവന്നത് എന്ന ചില റിപ്പോര്ട്ടുകള് പുറത്തുവരുന്നുണ്ട്. ഇക്കാര്യം ബിജെപി വക്താവായ ശങ്കു ടി ദാസാണ് ഒരു ചാനല് ചര്ച്ചയ്ക്കിടെ ചൂണ്ടിക്കാട്ടിയത്.
സിനിമക്കാരായ പലരും പ്രതികരിക്കേണ്ടിവന്നത് ഇത്തരം സന്ദര്ഭത്തിലാണ്. നവ്യനായര് ഒരു വാന് തടയുന്ന തരത്തില് പോസ് ചെയ്തതും ഇതേ സാഹചര്യം മൂലമാണ്.മോഹന്ലാലിന്റെ മകളും ഇങ്ങിനെ സാഹചര്യസമ്മര്ദ്ദത്താല് പ്രതികരിച്ചതാകാമെന്നാണ് കരുതപ്പെടുന്നത്. അതേ സമയം രഞ്ജിനി ഹരിദാസിനെപ്പോലുള്ള ഇന്ഫ്ലൂവന്സേഴ്സിന് സാമ്പത്തിക നേട്ടങ്ങള് ഉണ്ടായോ എന്ന കാര്യം പരിശോധിക്കുന്നുണ്ട്. പാറ്റ സമരത്തെ അനുകൂലിച്ച് പോസ്റ്റിട്ട സെലിബ്രിറ്റികളായ ഇന്ഫ്ലുവന്സേഴ്സിനെ കര്ശനമായി നിരീക്ഷിക്കുമെന്ന് ചില റിപ്പോര്ട്ടുകളുണ്ട്.
ചില സെലിബ്രിറ്റികള് സ്വന്തം ഇഷ്ടപ്രകാരം പ്രതികരിച്ചിരുന്നെങ്കിലും പലരും മനസ്സില്ലാ മനസ്സോടെ പ്രതികരിച്ചതായാണ് അറിയുന്നത്. എന്തായാലും കേരളത്തിലെ ഇത്തരം മോദിവിരുദ്ധ-ബിജെപി വിരുദ്ധ ടോക്സിക് സാഹചര്യം മാറിയില്ലെങ്കില് അത് ഭാവിയിലും ഇതുപോലുള്ള സാഹചര്യം സൃഷ്ടിക്കപ്പെടാന് കാരണമാകും. അതിനാല് സെലിബ്രിറ്റികളുടെ മേല് അഭിപ്രായം പറയാന് സമ്മര്ദ്ദം ചെലുത്തുന്നവരെ വെളിച്ചത്ത് കൊണ്ടുവരണമെന്ന ആവശ്യം ശക്തമായി കേരളത്തില് ഉയരുന്നു.
