കോഴിക്കോട് : കക്കയം അണക്കെട്ടിന്റെ ഷട്ടറുകള്‍ തുറന്നു. രണ്ട് ഷട്ടറുകളാണ് തുറന്നത്.
നീഴൊഴുക്ക് വര്‍ദ്ധിച്ച സാഹചര്യത്തിലാണ് ഷട്ടറുകള്‍ തുറന്നത്.കുറ്റ്യാടി പുഴയുടെ തീരത്ത് ജാഗ്രതാ നിര്‍ദ്ദേശം നല്‍കി.
മഴക്കെടുതി മൂലം കോഴിക്കോട് ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് തിങ്കളാഴ്ച അവധി നല്‍കിയിട്ടുണ്ട്.സംസ്ഥാനത്ത് 10 ജില്ലകളിലെ പ്രൊഫഷണല്‍ വിദ്യാഭ്യാസ സ്ഥാപനങ്ങള്‍ക്ക് ഉള്‍പ്പെടെ അവധി ആയിരിക്കും.
ആലപ്പുഴയില്‍ കുട്ടനാട് , ചെങ്ങന്നൂര്‍ താലൂക്കുകളിലും വിദ്യാഭ്യാസ സ്ഥാപനങ്ങള്‍ക്ക് അവധിയാണ്. എറണാകുളത്ത് കോതമംഗലം, മൂവാറ്റുപുഴ താലൂക്കുകളിലും വിദ്യാഭ്യാസ സ്ഥാപനങ്ങള്‍ക്ക് അവധിയായിരിക്കും. എന്നാല്‍ ഇവിടെ പ്രൊഫഷണല്‍ വിദ്യാഭ്യാസ സ്ഥാപനങ്ങള്‍ക്ക് അവധിയില്ല.
