ന്യൂദല്ഹി: വിദേശകാര്യമന്ത്രി എസ് ജയശങ്കര് ഇറാന് വിദേശകാര്യ മന്ത്രി സെയ്ദ് അബ്ബാസ് അരഘ്ചിയുമായി ഫോണില് സംസാരിച്ചു,
വാണിജ്യ കപ്പലുകള്ക്കും നാവികര്ക്കും നേരെയുള്ള ആക്രമണങ്ങളെ ഇന്ത്യ അപലപിച്ചതായി എക്സിലെ പോസ്റ്റില് ജയശങ്കര് പറഞ്ഞു. ഇന്ത്യ എപ്പോഴും സംഭാഷണത്തെയും നയതന്ത്രത്തെയും പിന്തുണയ്ക്കുന്നുവെന്നും നിലവിലെ സംഭവവികാസങ്ങളെക്കുറിച്ചുള്ള ഇറാന്റെ വീക്ഷണത്തെക്കുറിച്ച് തനിക്ക് അറിവുണ്ടെന്നും അദ്ദേഹം പറഞ്ഞു.
‘ഇന്ന് വൈകുന്നേരം ഇറാനിലെ വിദേശകാര്യ മന്ത്രി അരഗാച്ചിയുമായി ഒരു ടെലി സംഭാഷണം നടത്തി. മേഖലയില് നടന്നുകൊണ്ടിരിക്കുന്ന ശത്രുതയെക്കുറിച്ചുള്ള ഞങ്ങളുടെ ആഴത്തിലുള്ള ആശങ്കകള് അറിയിച്ചു. വാണിജ്യ കപ്പല് ഗതാഗതത്തിനും നാവികര്ക്കും നേരെയുള്ള ആക്രമണങ്ങള് ഏത് സാഹചര്യത്തിലും ഒഴിവാക്കണമെന്ന് ശക്തമായി അഭ്യര്ത്ഥിക്കുന്നു. ഏത് കക്ഷിയുടെയും അത്തരം ആക്രമണത്തെ ഇന്ത്യ അപലപിക്കുന്നു,’ വിദേശകാര്യ മന്ത്രി ജയശങ്കര് എക്സില് എഴുതി.
