കോഴിക്കോട് : കൂടത്തായി കൊലപാതക പരമ്പര കേസിലെ പ്രതി ജോളി ജോസഫ് കോടതിയിലെത്തിയത് അടിപൊളി ലുക്കില്.ജീന്സും ടോപ്പുമണിഞ്ഞ് മാറാട് പ്രത്യേക കോടതിയില് എത്തിയ ജോളിയെ കാണാന് ആളുകള് കൂടുകയും ചെയ്തു.
ഇതോടെ പൊലീസ് ജോളിയെ കോടതിക്ക് അകത്തേക്ക് മാറ്റി. സ്പൈറല് ബൈന്ഡ് ചെയ്ത ഒരുകെട്ട് പേപ്പറുകളും ജോളിയുടെ കൈയിലുണ്ടായിരുന്നു.ഇന്ദിരാ ഗാന്ധി നാഷണല് ഓപ്പണ് യൂണിവേഴ്സിറ്റിയുടെ ബി എ ഹിസ്റ്ററി പരീക്ഷയ്ക്ക് തയാറെടുക്കുകയാണ് ജോളി.ഡിഗ്രി രണ്ടാം വര്ഷ വിദ്യാര്ഥിനിയാണ് ഇപ്പോള്
കോഴിക്കോട് സബ് ജയിലില് തടവുകാരിയായി കഴിയുന്ന ജോളി പരീക്ഷയെഴുതാനായി കണ്ണൂര് വനിതാ ജയിലിലെത്തിയത് വാര്ത്തയായിരുന്നു.ആകെ എട്ട് പേപ്പറുകളാണ് ഇത്തവണ ജോളിക്ക് എഴുതാനുണ്ടായിരുന്നത്. ജയിലിലെ തന്നെ ഉയര്ന്ന വിദ്യാഭ്യാസ യോഗ്യതയുള്ളവരാണ് ക്ലാസുകള് എടുക്കുന്നത്.
കൂടത്തായി കൊലപാതക പരമ്പരയില് ജോളിയുടെ ഭര്ത്താവ് റോയ് തോമസ് കൊല്ലപ്പെട്ട കേസിന്റെ വിചാരണയ്ക്കാണ് ജോളി ഹാജരായത്.
