ന്യൂദല്ഹി: ഇന്ത്യൻ റെയിൽവേയെക്കുറിച്ച് അഭിമാനമെന്ന് കോക്രോച്ച് ജനതാ പാര്ട്ടിയുടെ സമരത്തില് നിരാഹാരമനുഷ്ഠിച്ച പരിസ്ഥിതി പ്രവര്ത്തകന് സോനം വാങ്ചുക്…ലഡാകിലേക്ക് വന്ദേഭാരത് ട്രെയിനില് യാത്ര ചെയ്തതിന്റെ മികച്ച അനുഭവമാണ് സോനം വാങ്ചുക്കിനെ ഇന്ത്യന് റെയില്വേയെ അഭിനന്ദിക്കാന് പ്രേരിപ്പിച്ചത്.
എക്സില് പങ്കുവെച്ച പോസ്റ്റിലാണ് സോനം വാങ്ചുക് ഇക്കാര്യം പറയുന്നത്. ഈ പോസ്റ്റിനൊപ്പം സോനം വാങ്ചുക് യാത്ര ചെയ്യുന്ന വീഡിയോയും കാണാം. സോനം വാങ്ചുക് പറയുന്നു: “ഞങ്ങൾ ലഡാക്കിലേക്ക് പുറപ്പെട്ടു, വന്ദേഭാരത് ട്രെയിനിൽ യാത്ര ചെയ്തു, അത് എന്റെ പ്രിയപ്പെട്ട ഗതാഗത മാർഗമാണ്. ദൽഹിയിൽ നിന്ന് ശ്രീനഗറിലേക്ക് പുതുതായി ആരംഭിച്ച വന്ദേ ഭാരത് സർവീസിലെ എന്റെ ആദ്യ അനുഭവമായിരുന്നു”.
കേന്ദ്രസര്ക്കാര് കശ്മീരിലെ ചെനാബ് നദിക്ക് കുറുകെ ഉയര്ത്തിയ പുതിയ പാലത്തെക്കുറിച്ചും സോനം വാങ്ചുക് ഈ പോസ്റ്റില് അഭിനന്ദിക്കുന്നു. “ചെനാബ് നദിക്ക് കുറുകെയുള്ള പാലം കാണാനും ഞാൻ വളരെയധികം ആഗ്രഹിച്ചു. അത് ശരിക്കും മനോഹരമായ ഒരു അനുഭവമായിരുന്നു. ഇന്ത്യൻ റെയിൽവേയിൽ എനിക്ക് അതിയായ അഭിമാനം തോന്നുന്നു. കശ്മീരിൽ ഒരു ദിവസത്തെ വിശ്രമത്തിനുശേഷം, ശുദ്ധവായുവും വെള്ളവും കൊണ്ട് ആരോഗ്യം വീണ്ടെടുത്ത് ഞങ്ങൾ ഇപ്പോൾ ലഡാക്കിലേക്ക് നീങ്ങുകയാണ്…”.
കശ്മീരിലെ വന്ദേഭാരത് യാത്രയ്ക്ക് പച്ചക്കൊടി വീശിയത് മോദി
2026 ജൂണ് ആറിനാണ് കേന്ദ്രസര്ക്കാര് ശ്രീനഗറില് നിന്നും ശ്രീ മാതാ വൈഷ്ണോദേവി ക്ഷേത്രത്തിലേക്ക് ആദ്യ വന്ദേഭാരത് ട്രെയിന് ഏര്പ്പെടുത്തിയത്. പ്രധാനമന്ത്രി മോദിയാണ് ഈ വന്ദേഭാരത് ഉദ്ഘാടനം ചെയ്തത്. പിന്നീട് 2026 ഏപ്രില് 30ഓടെ ഈ വന്ദേഭാരതിന്റെ സേവനം ജമ്മു താവി വരെ നീട്ടി.
ചെനാബ് റെയില്വേപ്പാലവും ഉദ്ഘാടനം ചെയ്തത് പ്രധാനമന്ത്രി
ഹിമാചല് പ്രദേശില് നിന്നും ജമ്മുകശ്മീര് വഴി പഞ്ചാബ് വരെ ഒഴുകുന്ന നദിയാണ് ചെനാബ്. ജമ്മുകശ്മീരില് ചെനാബ് നദിക്ക് കുറുകെ റെയില്വേ ഒരു പാലം നിര്മ്മിക്കാന് കാരണമുണ്ട്.ഒറ്റപ്പെട്ടു കിടക്കുകയായിരുന്ന ജമ്മു കശ്മീര് താഴ്വരയെ ഇന്ത്യയുടെ മറ്റു ഭാഗങ്ങളുമായി റെയില്പാത വഴി ബന്ധിപ്പിക്കാന് കഴിയുമെന്നതാണ് ചെനാബ് നദിക്ക് കുറുകെ പണിത റെയില്വേ മേല്പ്പാലത്തിന്റെ പ്രാധാന്യം. കശ്മീരുമായുള്ള വ്യാപാരം വര്ധിപ്പിക്കാനും കശ്മീരിനും ഇന്ത്യയുടെ മറ്റുഭാഗങ്ങള്ക്കുമിടയിലുള്ള യാത്ര സുഗഗമമാക്കാനും ഈ പാലം സഹായിക്കുന്നു. ഒപ്പം സൈന്യത്തിന് നിര്ണ്ണായകഘട്ടങ്ങളില് കശ്മീരില് എളുപ്പമെത്താനും ഈ പാലത്തിന് സാധിക്കും. ചെനാബ് നദിയേക്കാള് 359 മീറ്റര് ഉയരത്തിലാണ് ഈ റെയില്വേപ്പാലം. ലോകത്തില് വെച്ച് ഏറ്റവും ഉയരുമുള്ള റെയില്വേ ആര്ക് പാലമാണ് ചെനാബ് റെയില്പാലം. മഞ്ഞുകാലത്ത് കനത്ത മഞ്ഞുവീഴ്ച മൂലം റോഡ് ഗതാഗതം തടസ്സപ്പെടുന്നത് കശ്മീരിലെ പതിവാണ്. ഈ സമയങ്ങളില് സുഗമമായി കശ്മീരിലേക്കും കശ്മീരില് നിന്നും തിരിച്ചുമുള്ള യാത്ര ഉറപ്പാക്കുന്നു ഈ ചെനാബ് റെയില്വേപ്പാലം. 1400 കോടി രൂപ ചെലവഴിച്ചാണ് ഈ റെയില്വേ പാലം പണിതത്. പ്രധാനമന്ത്രി നരേന്ദ്രമോദി തന്നെയാണ് 2025 ജൂണ് ആറിന് ചെനാബ് പാലം ഉദ്ഘാടനം ചെയ്തത്.
