വയനാട്: ചൂരൽമല-മുണ്ടക്കൈ ഉരുൾപൊട്ടൽ ദുരന്തത്തിന് ഇന്ന് രണ്ട് വർഷം. ഔദ്യോഗിക കണക്കുകൾ പ്രകാരം 298 പേരാണ് ദുരന്തത്തിൽ മരണപ്പെട്ടത്. കാണാതായ 32 പേരെക്കൂടി പിന്നീട് മരിച്ചതായി സർക്കാർ പ്രഖ്യാപിക്കുകയായിരുന്നു. ദുരന്തത്തിന്റെ രണ്ടാം വാർഷികത്തിൽ, ജീവൻ നഷ്ടമായവരുടെ ഓർമ പുതുക്കി പുത്തുമലയിലെ ‘ഹൃദയഭൂമിയിൽ’ സർവമത പ്രാർത്ഥനയും പുഷ്പാർച്ചനയും നടന്നു.
ഭീതിയുടെയും കണ്ണീരിന്റെയും മരവിപ്പുകള് ബാക്കിവെച്ച മഹാദുരന്തത്തിന്റെ നടുക്കുന്ന ഓര്മകളിലാണ് ഒരു നാടും ജനതയും ജീവിക്കുന്നത്. രണ്ട് വര്ഷം പോയിക്കഴിഞ്ഞപ്പോള് മുണ്ടക്കൈയിലേയും ചൂരല്മലയിലേയും ജനതയ്ക്ക് ഇത് അതിജീവനത്തിന്റെ കാലമാണ്. സ്വന്തമെന്ന് പറയാന് കുറച്ചുപേര്ക്കെങ്കിലും വീടുകള് കിട്ടി. കുറച്ചുപേര്ക്ക് പ്രിയപ്പെട്ടവരെ കിട്ടി.
കല്പ്പറ്റ എല്സ്റ്റണ് എസ്റ്റേറ്റിലെ ടൗണ്ഷിപ്പില് താമസമാക്കിയ 178 കുടുംബങ്ങള് സുരക്ഷിത ജീവിതം ആരംഭിച്ചെങ്കിലും, ബാക്കിയുള്ള ദുരന്തബാധിതര്ക്കും എത്രയും വേഗം സ്ഥിരം പുനരധിവാസം ഉറപ്പാക്കുന്നതിനി കാത്തിരിക്കുകയാണ്. രണ്ട് വര്ഷം പിന്നിടുമ്പോള് അതിജീവനത്തിന്റെ പ്രതീക്ഷ കൂടുതല് കുടുംബങ്ങളിലേക്കും എത്തണമെന്ന ആവശ്യമാണ് ശക്തമാകുന്നത്.
