ന്യൂഡൽഹി : എസ്എഫ്ഐ നേതാവ് ഐഷി ഘോഷിനെ അറസ്റ്റ് ചെയ്യാനെത്തിയ ഡൽഹി പോലീസിലെ ഉദ്യോഗസ്ഥരെ ജോൺ ബ്രിട്ടാസ് വിറപ്പിച്ചെന്ന് മാതൃഭൂമി . എ.കെ.ജി. ഭവനിൽ പോലീസ് എത്തിയതറിഞ്ഞ് പാർലമെന്റിൽ നിന്ന് എത്തിയ ബ്രിട്ടാസ് പോലീസുകാരെ ഭയപ്പെടുത്തി തിരിച്ചയച്ചുവെന്നാണ് മാതൃഭൂമിയുടെ തള്ള്.
‘നിങ്ങൾ എന്ത് ധൈര്യത്തിലാണ് ഒരു ദേശീയ പാർട്ടിയുടെ ഓഫീസിലേക്ക് വന്നത്? ഞാൻ പാർലമെന്റിൽ നിന്ന് നേരിട്ട് വരികയാണ് ഇങ്ങോട്ട്. ഡൽഹി പോലീസ് ഒരിക്കലും ഇങ്ങനെ പെരുമാറാൻ പാടില്ല.’ എന്നൊക്കെ ബ്രിട്ടാസ് പൊട്ടിത്തെറിച്ചെന്നും മാതൃഭൂമി വാർത്തയിൽ പറയുന്നു.
ഇതിനെ ട്രോളി പലരും രംഗത്തെത്തിയിട്ടുണ്ട്. തീയാളി രാഹുലിനും, ചെഗുവേര കനയ്യയ്ക്കും ശേഷം മാപ്രയുടെ പുതിയ കണ്ടുപിടിത്തമാണ് വിറപ്പിച്ച് ബ്രിട്ടാസെന്നാണ് ചില കമന്റ്. ‘ ആകെ ചെന്നത് രണ്ട് കോണ്സ്റ്റബിളുമാരെങ്ങാണ്ട് ആണ്…. അവരുടെ അടുത്ത് ഷോ ഇറക്കിയേനാണ് ഈ തള്ള് ‘ എന്നാണ് യുവരാജ് ഗോകുലിന്റെ കമന്റ്.
