തിരുവനന്തപുരം: മഞ്ഞക്കാര്ഡ് ഉടമകള്ക്ക് ഓണം പ്രമാണിച്ചുള്ള സൗജന്യ ഓണക്കിറ്റ് ആഗസ്റ്റ് 10 മുതല് വിതരണം ചെയ്യുമെന്ന് ഭക്ഷ്യമന്ത്രി അനൂപ് ജേക്കബ് അറിയിച്ചു. ക്ഷേമ സ്ഥാപനങ്ങളിലെ അന്തേവാസികള്ക്കും ഓണക്കിറ്റുണ്ട്.
ഇതിനായി 53 കോടി രൂപ സര്ക്കാര് അനുവദിച്ചു.
ഉത്രാട ദിനത്തിനു മുന്പ് വിതരണം പൂര്ത്തിയാക്കും. 2026 ജൂണിലെ കണക്ക്പ്രകാരം ആകെ 6,09,305 കിറ്റുകളാണ് വേണ്ടത്. തുണി സഞ്ചി ഉള്പ്പെടെ 16 ഇനം ഉല്പ്പന്നങ്ങള് അടങ്ങിയ കിറ്റ് ഒന്നിന് 854 രൂപ് ചെലവ് കണക്കാക്കുന്നു.
സപ്ലൈകോ തിരുവനന്തപുരത്തും എറണാകുളത്തും കോഴിക്കോടും ആഗസ്റ്റ് എട്ട് മുതല് 25 വരെ ഓണം മെഗാ ട്രേഡ് ഫെയറുകള് നടത്തും. ഓണം ജില്ലാ ഫെയറുകള് 11 ജില്ലകളില് ആഗസ്റ്റ് 16 മുതല് 25 വരെയാണ്. 126 നിയമസഭാ മണ്ഡലങ്ങളില് ഓണം മാര്ക്കറ്റുകളും സംഘടിപ്പിക്കുന്നുണ്ട്.
