കൊച്ചി: സമൂഹമാദ്ധ്യമങ്ങളിലൂടെ അധിക്ഷേപിച്ചെന്ന പരാതിയില് നടി അന്സിബ ഹസനെ കോടതി നേരിട്ട് കേള്ക്കും. നടി ലക്ഷ്മി പ്രിയ ഉള്പ്പെടെയുള്ളവര്ക്കെതിരെ പാലാരിവട്ടം പൊലീസില് അന്സിബ പരാതി നല്കിയെങ്കിലും കേസെടുക്കാന് തയ്യാറാവാഞ്ഞതിനെത്തുടര്ന്നാണ് നടി കോടതിയെ സമീപിച്ചത്. ഇതോടെ എറണാകുളം ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി നേരിട്ട് മൊഴിയെടുക്കാന് തീരുമാനിക്കുകയായിരുന്നു. നടിയോട് അടുത്ത മാസം 29ന് മൊഴി നല്കാനായി ഹാജരാകാന് കോടതി നിര്ദേശിച്ചു.
അന്സിബയുടെ പരാതി മാനനഷ്ടത്തിന്റെ പരിധിയില് വരുന്നതാണെന്നും കേസെടുക്കാന് കഴിയില്ലെന്നും പ്രോസിക്യൂഷന് കോടതിയില് വാദിച്ചു. എന്നാല് കേവലം മാനനഷ്ടമല്ലെന്നും സ്ത്രീത്വത്തെ അപമാനിച്ചുവെന്നാണ് പരാതിയെന്നും അന്സിബയുടെ അഭിഭാഷകന് കോടതിയെ ബോധിപ്പിച്ചു.
സമൂഹമാദ്ധ്യമങ്ങളിലൂടെ അധിക്ഷേപിച്ചെന്ന നടി അന്സിബ ഹസന്റെ പരാതിയില് മജിസ്ട്രേറ്റ് കോടതി നേരിട്ട് മൊഴിയെടുക്കും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.