ന്യൂദല്‍ഹി: കാനഡയ്‌ക്കും യുഎസിനുമിടയില്‍ സര്‍വീസ് നടത്തുന്ന വാണിജ്യ ട്രക്കുകളില്‍ പരിശോധന കര്‍ക്കശമാക്കി കാനഡ ബോര്‍ഡര്‍ സര്‍വീസസ് ഏജന്‍സി. ട്രക്കുകളില്‍ വലിയ അളവില്‍ നിരോധിത മയക്കുമരുന്ന് കടത്തുന്നുണ്ടെന്നാണ് ഏജന്‍സിയുടെ കണ്ടെത്തല്‍. നേരത്തെ പാകിസ്ഥാനികളായിരുന്നു ഇത്തരം കേസുകളില്‍ പിടിക്കപ്പെട്ടിരുന്നവര്‍ ഏറെയും. എന്നാല്‍ ഈയിടെ നടന്ന ഒരു വന്‍ മയക്കുമരുന്നു വേട്ടയില്‍ 9 ഇന്ത്യന്‍ വംശജരാണ് പിടിയിലായത്. അതില്‍ ഏറെയും പഞ്ചാബികളാണ്. ഇതോടെ ഇന്ത്യന്‍ വംശജരായ ട്രക്ക് ഡ്രൈവര്‍മാര്‍ നോട്ടപ്പുള്ളികളായി മാറി. ഒട്ടേറെ മലയാളികള്‍ ഈ ജോലി ചെയ്യുന്നുണ്ട്. അവരുടെ തൊഴിലിനെ ബാധിക്കുംവിധമാണ് നിലവിലെ റെയ്ഡുകളെന്ന് ചൂണ്ടിക്കാണിക്കപ്പെടുന്നു.
ഒന്റാറിയോയില്‍ ഏറ്റവും ഒടുവില്‍ അറസ്റ്റിലായത് 9 ഇന്ത്യന്‍ വംശജരുള്‍പ്പെടെ 19 പേരാണ്്. കൊക്കെയ്ന്‍, മെത്താംഫെറ്റാമൈന്‍, കറുപ്പ് എന്നിവയുള്‍പ്പെടെ 139 മില്ല്യന്‍ ഡോളര്‍ വിലമതിക്കുന്ന 1.7 ടണ്‍ നിയമവിരുദ്ധ മയക്കുമരുന്നാണ് ഒറ്റ റെയ്ഡില്‍ പിടിച്ചെടുത്തത്.
അന്താരാഷ്‌ട്ര മയക്കുമരുന്നുകടത്ത് തടയുന്നതിനായി പ്രോജക്റ്റ് ബേ എന്ന പേരില്‍ പ്രോജക്ട് തന്നെ കാനഡ ആരംഭിച്ചിട്ടുണ്ട്.
ട്രക്കുകളില്‍ ലഹരിക്കടത്ത് : കാനഡയില്‍ 9 ഇന്ത്യന്‍ വംശജര്‍ അറസ്റ്റിലായത് മലയാളികള്‍ക്കടക്കം കുരുക്കായി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.