തിരുവനന്തപുരം: അനില് ശ്രീരാഗം ഗാനരചനയും കലാസംവിധാനവും ചായാഗ്രഹണവും നിര്വ്വഹിച്ച് സംവിധാനം ചെയ്ത മകരപ്പൊന്ന് എന്ന അയ്യപ്പ ഭക്തിഗാന വീഡിയോ ആല്ബത്തിന്റെ ആദ്യ പ്രദര്ശനം തിരുവനന്തപുരം മൂഴി എന് എസ്സ് എസ്സ് ഹാളില് നടന്നു.
പ്രദര്ശനോത്ഘാടനം ചലച്ചിത്ര, നാടക അഭിനേത്രിയായ ബീന കൊടക്കാട് നിര്വ്വഹിച്ചു. ചടങ്ങില് മുഖ്യാതിഥി ആയിരുന്നത് സ്വാമി ജയചന്ദ്ര തീര്ത്ഥയായിരുന്നു. സംഗീത സംവിധായകന് സബീഷ് ബാല, ഗാനരചയിതാവ് പ്രദീഷ് അരുവിക്കര, സാഹിത്യകാരന് ഹരന് പുന്നാവൂര്, സിനിമ പ്രൊഡക്ഷന് കണ്ട്രോളര് ഗോപന് ശാസ്തമംഗലം, സിനിമ പിആര്ഒ അജയ് തുണ്ടത്തില്, തിരക്കഥാകൃത്തും സംവിധായകനുമായ അനില് ശ്രീരാഗം തുടങ്ങിയവര് പങ്കെടുത്തു.
മലയാളത്തിലും തമിഴിലുമായി നിരവധി സിനിമകളുടെ കലാ സംവിധായകന് കൂടിയായ അനില് ശ്രീരാഗം വ്യത്യസ്തമായ രീതിയില് ഒരുക്കിയ പന്തളം കൊട്ടാരത്തിന്റെ സെറ്റാണ് ഗാനചിത്രീകരണത്തിനായി ഉപയോഗിച്ചത്.
