കൊച്ചി:കൊച്ചിയിലെ വൈറ്റിലയില് പെട്രോളിന് ലിറ്ററിന് 113 രൂപയാണ് വിലയെങ്കില് എഥനോള് കലര്ത്തിയ ഇ20 ഇന്ധനത്തിന് 107 രൂപയേ ഉള്ളൂ. ലിറ്ററിന് ആറ് രൂപ ലാഭമാണ് ഉപഭോക്താവിന് ഉണ്ടാകുന്നത്. വൈറ്റിലയിലെ ഹിന്ദുസ്ഥാന് പെട്രോളിയത്തിന്റെ പമ്പില് മാത്രമല്ല, കൊച്ചി നഗരത്തില് മറ്റ് കമ്പനികളുടെ പമ്പുകളിലും ഇ20 ലഭ്യമാണ്.
എഥനോള് നിര്മ്മാണത്തിന്റെ കേന്ദ്രമായ മഹാരാഷ്ട്രയില് ഇപ്പോള് പ്രാരംഭ പ്രൊമോഷന് എന്ന നിലയ്ക്ക് ലിറ്ററിന് 91 രൂപയ്ക്ക് വരെ വില്ക്കുന്നുണ്ട്. സാധാരണ ഉപഭോക്താക്കള് വലിയ ആശ്വാസമാണ് ഇ20യുടെഈ വിലക്കുറവ്. മാത്രമല്ല, ഭാവിയില് പെട്രോള്, ഡീസല് ക്ഷാമം ഉണ്ടാകുമ്പോള് ഇന്ത്യയ്ക്ക് ഒരു പരിധി വരെ പിടിച്ചുനില്ക്കാന് എഥനോള് കലര്ന്ന ഇ20 പെട്രോളിന് സാധിക്കും.
ഇ20 പെട്രോളില് 80 ശതമാനം പെട്രോളേ ആവശ്യമുള്ളൂ. 20 ശതമാനം ഇന്ത്യ ഇവിടെത്തന്നെ നിര്മ്മിക്കുന്ന എഥനോള് ആണ് ഉപയോഗിക്കുക. ചോളം, ഗോതമ്പ്, അരി, കരിമ്പ് തുടങ്ങിയവയില് നിന്നാണ് എഥനോള് നിര്മ്മിക്കുക. പ്രതിപക്ഷ പാര്ടികള് ഇ20 പെട്രോളിനെയും രാഷ്ട്രീയമായി കടന്നാക്രമിക്കുകയാണ്
