തിരുവനന്തപുരം : കെ എസ് ആര് ടി സിയുടെ സ്ത്രീകള്ക്കായുളള രാത്രികാല പിങ്ക് ബസ് സര്വീസിന്റെ ഉദ്ഘാടനം വ്യാഴാഴ്ച ഗതാഗത മന്ത്രി സി പി ജോണ് നിര്വഹിക്കും.സ്ത്രീകളുടെ രാത്രികാല യാത്ര സുരക്ഷിതമാക്കുന്നതിനായി നടപ്പിലാക്കുന്നതാണ് പദ്ധതി. ആദ്യഘട്ടത്തില് തിരുവനന്തപുരത്താണ് കെഎസ്ആര്ടിസി പിങ്ക് ബസ് സര്വീസ് ആരംഭിക്കുന്നത്.
ആദ്യ സര്വീസ് തമ്പാനൂര് മുതല് ടെക്നോപാര്ക്ക് വരെയാണ്. വൈകുന്നേരം 6 മണി മുതല് രാത്രി 10.45 വരെ ആണ് സര്വീസ്. കെഎസ്ആര്ടിസിയുടെ ഫാസ്റ്റ് ലിങ്ക് ബസാണിത്.എന്നാല് യാത്ര സൗജന്യമല്ലെന്ന് അറിയിപ്പുണ്ട്.
സ്ത്രീകള്ക്ക് സൗജന്യയാത്ര അനുവദിക്കുന്ന പ്രിയദര്ശനി പദ്ധതി ആരംഭിച്ചിട്ട് ഒരു മാസം പിന്നിട്ടു. സര്വീസുകളില് സ്ത്രീ യാത്രക്കാരുടെ എണ്ണം പ്രതീക്ഷിച്ചതിനേക്കാള് ഇരട്ടിയാണ്. പദ്ധതി പ്രഖ്യാപനത്തില് പ്രതീക്ഷിച്ചതില് നിന്നും 30 കോടി രൂപ പ്രതിമാസം അധികം നല്കേണ്ടി വരുമെന്നത് സര്ക്കാരിന് മുന്നില് പ്രതിസന്ധിയായുണ്ട്.
