കോട്ടയം: അവിഹിത ബന്ധമുണ്ടെന്ന സംശയത്തില് അയല്വാസിയായ സുഹൃത്തിന്റെ വീടിന് തീയിട്ട പത്തനാട് കിഴക്കേമുറിയില് സൂരജ് വി.നായരെ (37) കോടതി റിമാന്ഡ് ചെയ്തു. കൊടപ്പനക്കുന്നേല് ഹരികൃഷ്ണന്റെ വീടിനാണ് തീയിട്ടത്. ഫര്ണിച്ചര്, ടിവി തുടങ്ങിയവ കത്തി നശിച്ചു. അഞ്ച് ലക്ഷം രൂപയുടെ നഷ്ടം കണക്കാക്കുന്നു.
സൂരജ് വരുന്നതു കണ്ട് തടയാന് ശ്രമിച്ച ഹരികൃഷ്ണന്റെ അച്ഛന് രാധാകൃഷ്ണനെ തള്ളിയിട്ട് അകത്തുകയറിയായിരുന്നു തീവെപ്പ്. ഹരികൃഷ്ണന് വീട്ടില് ഉണ്ടായിരുന്നില്ല. അയല്ക്കാര് ഓടിയെത്തി തീയണച്ചു. സൂരജ് കാപ്പ പ്രകാരം അടക്കം നിരവധി കേസുകളില് പ്രതിയാണെന്ന് കറുകച്ചാല് ഇന്സ്പെക്ടര് എസ്എച്ച് ഒ രാജേഷ് പറഞ്ഞു.
