തിരുവനന്തപുരം: ഇഡി ഉദ്യോഗസ്ഥരെ ആക്രമിച്ച കേസില് അറസ്റ്റിലായി തിരുവനന്തപുരം സെന്ട്രല് ജയിലില് റിമാന്റില് കഴിയുന്ന സിപിഎം പ്രവര്ത്തകര് വി.എസ് അച്യുതാനന്ദന് അനുസ്മരണ സമ്മേളനം സംഘടിപ്പിച്ചു.
ഗുരുതരമായ അച്ചടക്ക ലംഘനം നടന്നുവെന്ന വിലയിരുത്തലില് ഇതേക്കുറിച്ച് അന്വേഷണത്തിന് ജയില് വകുപ്പ് നിര്ദേശം നല്കി. സിപിഎം പ്രവര്ത്തകര്ക്ക് ഒത്താശ ചെയ്ത ഉദ്യോഗസ്ഥര്ക്കെതിരെ കര്ശന നടപടിയെടുക്കണമെന്ന് യുഡിഎഫില് തന്നെ ആവശ്യമുയര്ന്നു. സര്ക്കാര് മാറിയിട്ടും ജയിലുകളില് സിപിഎം ഭരണം നടക്കുന്നുവെന്ന ആക്ഷേപമാണ് യു.ഡി എഫ് നേതാക്കള്ക്കുളളത്.
സിപിഎം പാളയം ലോക്കല് കമ്മിറ്റി സെക്രട്ടറി ഐ.പി ബിനുവിന്റെ നേതൃത്വത്തിലായിരുന്നു അനുസ്മരണ സമ്മേളനം നടന്നതെന്നും അഞ്ച്, ഏഴ് ബ്ലോക്കുകളിലെ പ്രതികള് പങ്കെടുത്തെന്നുമാണ് വിവരം.
