തിരുവനന്തപുരം കേന്ദ്രസര്ക്കാര് നല്കിയ ദേശീയ പുരസ്കാരത്തെ വിമര്ശിച്ച് കഴിഞ്ഞ ദിവസം രംഗത്ത് വന്ന ചന്തു സലിം കുമാറിനെതിരെ ശക്തമായ വിമര്ശനം സമൂഹമാധ്യമങ്ങളില് ഉയരുകയാണ്. പ്രതിഭയേക്കാള് ഭരണകക്ഷിയുമായുള്ള അടുപ്പമാണോ അവാര്ഡിന്റെ മാനദണ്ഡമെന്ന് ചന്തു സലിംകുമാറിന്റെ ഒരു വിമര്ശനം.
ഇതോടെ അവാര്ഡ് കിട്ടിയ മമ്മൂട്ടിയേയും മമ്മൂട്ടി അഭിനയിച്ച് ഭ്രമയുഗത്തെയും കുറിച്ചാണോ ചന്തു സലിംകുമാര് വിമര്ശിക്കുന്നത് എന്ന ചോദ്യമാണ് ഉയരുന്നത്. മമ്മൂട്ടി കേന്ദ്രം ഭരിയ്ക്കുന്ന ഭരണകക്ഷിയുമായി അടുപ്പമുള്ള ആളാണെന്ന് ആരും പറയില്ല. അപ്പോഴാണ് ചന്തു സലിംകുമാര് ഇത്തരം ഒരു വിചിത്രവാദവുമായി രംഗത്ത് വന്നത്.
താരതമ്യേന വിമര്ശനങ്ങളില്ലാത്ത ദേശീയ പുരസ്കാരമായിരുന്നു ഇത്തവണത്തേത്. ഇതിനെതിരെ കേരളത്തില് നിന്നും ചന്തുസലിംകുമാര് മാത്രമാണ് രംഗത്ത് വന്നിരിക്കുന്നത്. മഞ്ഞുമ്മല് ബോയ്സ് എന്ന സിനിമയ്ക്ക് അവാര്ഡ് നല്കാത്തതാണ് ചന്തുസലിം കുമാറിനെ ചൊടിപ്പിച്ചത്. ഈ സിനിമയുമായി ബന്ധപ്പെട്ട് കോടികളുടെ സാമ്പത്തിക ആരോപണം സിനിമ നിര്മ്മിച്ചതില് ഒരു പങ്കാളി തന്നെ ഉയര്ത്തിയിട്ടുണ്ട്. അതു സംബന്ധിച്ച് കോടതിക്കേസും മറ്റും നടന്നുകൊണ്ടിരിക്കുകയാണ്. അത്തരമൊരു സിനിമയെ അവാര്ഡിന് പരിഗണിച്ചാല് മറ്റ് വിവാദമുണ്ടായേക്കുമെന്നും വിമര്ശനം ഉയര്ന്നിരുന്നു. എന്തായാലും ഇക്കുറി മികച്ച രീതിയില് തന്നെയാണ് സംവിധായകന് ജയരാജിന്റെ നേതൃത്വത്തില് ജൂറി പ്രതികരിച്ചിരിക്കുന്നത്.
