കണ്ണൂര്: കണ്ണൂര് മെഡിക്കല് കോളേജ് ഒന്നാംവര്ഷ ഡെന്റല് വിദ്യാര്ഥി നിതിന് രാജിന്റെ മരണത്തില് പൊലീസ് കുടകിലെ ഒളിയിടത്തില് നിന്നും കസ്റ്റഡിയിലെടുത്ത ഡോ എം.കെ. റാമിനെ കോടതി വിട്ടയച്ചതിന് പിന്നാലെ പൊലീസ് വീണ്ടും കസ്റ്റഡിയിലെടുത്തു.കോടതി വളപ്പിന് പുറത്ത് വച്ച് ബലം പ്രയോഗിച്ചാണ് വീണ്ടും കസ്റ്റഡിയിലെടുത്തത്.
റാമിന്റെ അറസ്റ്റ് നടപടി ക്രമങ്ങള് പാലിച്ചല്ലെന്ന് ചൂണ്ടിക്കാട്ടിയാണ് തലശേരി പ്രിന്സിപ്പല് സെഷന്സ് കോടതി റാമിനെ വിട്ടയച്ചത്.
അനാട്ടമി വിഭാഗം മേധാവിയായിരുന്ന ഡോ റാമിനെ ഇന്ന് പുലര്ച്ചെയാണ് അറസ്റ്റ് ചെയ്തത്. ക്രൈബ്രാഞ്ച് വിഭാഗമാണ് ഡോ റാമിനെ ഇന്ന് പുലര്ച്ചയേടെ അറസ്റ്റ് ചെയ്ത് കണ്ണൂരിലെത്തിച്ചത്.
കണ്ണൂര് ക്രൈംബ്രാഞ്ച് ഓഫീസില് ചോദ്യം ചെയ്തശേഷം കോടതിയില് ഹജരാക്കിയപ്പോള് കേടതിയില് നാടകീയ രംഗങ്ങള് അരങ്ങേറി.
കഴിഞ്ഞ ഏപ്രില് 10നാണ് നിതിന്രാജ് കോളേജ് കെട്ടിടത്തില് നിന്ന് ചാടി ജീവനൊടുക്കിയത്. ഡോ എം.കെ. റാമുള്പ്പടെ അധ്യാപകരുടെ അധിക്ഷേപത്തില് മനംനൊന്താണ് നിതിന് രാജ് ജീവനൊടുക്കിയതെന്നാണ് കുടുംബവും സഹപാഠികളും ആരോപിക്കുന്നത്.
നിതിന് രാജിന്റെ മരണത്തിന് പിന്നാലെ ഒളിവില് പോയ ഡോ എം.കെ. റാം മുന്കൂര് ജാമ്യഹര്ജിയുമായി ജില്ലാ കോടതിയിലും ഹൈക്കോടതിയിലും സുപ്രീം കോടതിയിലും എത്തിയെങ്കിലും തളളിയിരുന്നു.
ഡോ റാമിന് പുറമെ അധ്യാപിക സംഗീത നമ്പ്യരും കേസിലെ പ്രതിയാണ്. ഇരുവരെയും കോളേജില് നിന്ന് സസ്പെന്ഡ് ചെയ്തിരുന്നു. സംഗീതയ്ക്ക് ഏപ്രില് 25ന് തലശേരി നാലാം അഡീഷണല് ജില്ല കോടതി മുന്കൂര് ജമ്യം അനുവദിച്ചിരുന്നു.
