ന്യൂഡൽഹി : സർക്കാരുമായി ചർച്ചകൾ തുടങ്ങിയതിനു പിന്നാലെ നിരാഹാര സമരം അവസാനിപ്പിച്ച് അഭിജിത് ദീപ്കെ. നിന്ന് വിജയം കാണാതെ പിന്നോട്ടില്ലെന്ന നിലപാടിലാണ് ആദ്യം പറഞ്ഞിരുന്നതെങ്കിലും പട്ടിണി സമരം മൂന്നം ദിനമായതോടെ അവസാനിപ്പിച്ച് തടിതപ്പാനുള്ള ശ്രമത്തിലാണ് ദീപ്കെ. കേന്ദ്ര ആരോഗ്യമന്ത്രി ജെ പി നദ്ദയുമായി ചർച്ച നടത്താൻ സിജെപി ഭാരവാഹികൾ സമരപന്തലിൽ നിന്ന് ഇറങ്ങിയതിനു പിന്നാലെ തന്നെ ദീപ്കെ സമരം അവസാനിപ്പിച്ചു.
സാധാരണയായി ചർച്ചകളിൽ തീരുമാനമാകുമ്പോഴാണ് സമരം അവസാനിപ്പിക്കുന്നതെങ്കിൽ അതിനു മുൻപ് തന്നെ സമരം അവസാനിപ്പിക്കുകയാണ് ദീപ്കെ. പാറ്റകളുടെ ആവശ്യം സർക്കാർ അംഗീകരിച്ചേക്കില്ലെന്ന സൂചനകളുടെ അടിസ്ഥാനത്തിലാണ് ദീപ്കെ സമരം അവസാനിപ്പിച്ചത്. ഇപ്പോൾ അവസാനിപ്പിച്ചില്ലെങ്കിൽ പട്ടിണി സമരം അനിശ്ചിതമായി നീളുമെന്നും ദീപ്കെയ്ക്ക് ബോധ്യമുണ്ട്. അതേസമയം വിദ്യാഭ്യാസമന്ത്രിയുമായി ബന്ധപ്പെട്ട പ്രശ്നത്തിന് ആരോഗ്യമന്ത്രിയാണോ ചർച്ച നടത്തുന്നതെന്ന ചോദ്യമൊക്കെ ആദ്യം പാറ്റകൾ ഉന്നയിച്ചെങ്കിലും ഇനിയും ചോദ്യങ്ങൾ ഉന്നയിച്ച് നിന്നാൽ പണി പാളുമെന്ന ഘട്ടം വന്നതോടെ ചർച്ചയ്ക്ക് പോകാൻ തീരുമാനിക്കുകയും ചെയ്തു.
