മുംബൈ: തൃശൂര്‍ ആസ്ഥാനായ കല്യാണ്‍ ജൂവലേഴ്സിന്റെ ( KALYANKJIL) ഓഹരികളില്‍ വമ്പൻ മുന്നേറ്റം. കഴിഞ്ഞ വെള്ളിയാഴ്ച മാത്രം കല്യാണ്‍ ജൂവലേഴ്സ് ഓഹരികള്‍ 9 ശതമാനത്തിലേറെ കുതിച്ചുയർന്ന് 483.40 രൂപ (എൻ.എസ്.ഇയില്‍) വരെ എത്തിച്ചേർന്നു. മൂന്ന് ദിവസത്തിനിടെ 36 ശതമാനം നേട്ടമാണ് കല്യാണ്‍ ജ്വല്ലേഴ്സ് നേടിയത്.
ഇതോടെ കല്യാണ്‍ ജൂവലേഴ്സിന്റെ വിപണി മൂല്യം 49,000 കോടിയിലേറെ രൂപയായും ഉയർന്നു. കഴിഞ്ഞ മൂന്ന് ദിവസത്തിനിടെ കല്യാണ്‍ ജൂവലേഴ്സിന്റെ വിപണി മൂല്യത്തില്‍ ഏകദേശം 12,000 കോടിയുടെ വർധനയാണ് രേഖപ്പെടുത്തിയത്.
ആഗോള ബ്രോക്കറേജ് സ്ഥാപനമായ സിറ്റി ഗ്രൂപ്പ്, കല്യാണ്‍ ജൂവലേഴ്‌സിന് അനുകൂലമായ നിര്‍ദേശം നല്‍കിയിരുന്നു. ഇതാണ് പെട്ടെന്നുള്ള ഈ മുന്നേറ്റത്തിനുള്ള പ്രധാന കാരണം. സമീപഭാവിയിലേക്ക് ഓഹരിക്ക് നിർദേശിച്ച ലക്ഷ്യവില (Target Price) 750 രൂപയുമാണ്. 97 ശതമാനം മുന്നേറ്റ സാധ്യതയാണ് സിറ്റി ഗ്രൂപ്പ് ഈ കല്യാണ്‍ ജൂവലേഴ്സ് ഓഹരിയില്‍ പ്രവചിച്ചതെന്ന് സാരം.
ഫ്രാഞ്ചൈസി മാതൃകയിലുള്ള വിപുലീകരണം: പുതിയ ഷോറൂമുകള്‍ വേഗത്തില്‍ തുറക്കുന്ന രീതി.
കടബാധ്യതകള്‍ കുറയ്‌ക്കല്‍ എന്നിങ്ങിനെ നിരവധി കാരണങ്ങളാണ് കല്യാണ്‍ ജ്വല്ലേഴ്സിനെക്കുറിച്ച് സിറ്റി ഗ്രൂപ്പ് പ്രവചിക്കുന്നത്.
