ന്യൂദല്ഹി: ഉസ്ബക്കിസ്ഥാനില് മെഡിക്കല് വിദ്യാര്ത്ഥിനി സാവരിയയുടെ കൊലപാതകം ദേശീയ ഏജന്സി അന്വേഷിക്കണമെന്നാവശ്യപ്പെട്ട് കേന്ദ്ര ആഭ്യന്തര മന്ത്രി അമിത് ഷായ്ക്കു സി. സദാനന്ദന് മാസ്റ്റര് എംപി കത്തയച്ചു.
പെണ്കുട്ടിയെ ഇസ്ലാം മതത്തിലേക്കു മാറാന് നിരന്തരം നിര്ബന്ധിച്ചിരുന്നതായുള്ള കുടുംബത്തിന്റെ വെളിപ്പെടുത്തല്, സാവരിയയുടെ ഉസ്ബക്കിസ്ഥാനിലേക്കുള്ള പ്രവേശനത്തിനും യാത്രയ്ക്കും സൗകര്യമൊരുക്കിയ എജ്യുക്കേഷണല് കണ്സള്ട്ടന്സി, റിക്രൂട്ടിങ് ഏജന്സി എന്നിവയെക്കുറിച്ചും അന്വേഷിക്കണമെന്നു കത്തില് ആവശ്യപ്പെട്ടു.
നിര്ബന്ധിത മത പരിവര്ത്തനവുമായി ബന്ധപ്പെട്ട സമാനമായ ആരോപണങ്ങള് കേരളത്തില് പലപ്പോഴായി ഉയര്ന്നിട്ടുണ്ട്. അതിനാല് മത പരിവര്ത്തനം, മാനസിക പീഡനം, സൈബര് ബ്ലാക്ക് മെയിലിങ്, മറ്റു നിയമ വിരുദ്ധ പ്രവര്ത്തനങ്ങള് എന്നിവയില് ഏര്പ്പെട്ടിരിക്കുന്ന സംഘടിത ശൃംഖലയുടെ പങ്കാളിത്തത്തെക്കുറിച്ച് അന്വേഷിക്കണം.
ഇത്തരം സംഘടിത സംഘങ്ങള്ക്കു സാമ്പത്തിക, സൈബര് സഹായങ്ങളേകുന്ന അന്താരാഷ്ട്ര ബന്ധങ്ങളുണ്ടോയെന്നതും അന്വേഷിക്കണം. സാവരിയയുടെ കൊലപാതകക്കേസില് മലപ്പുറം പുലാമന്തോള് സ്വദേശി സദറുല് അനാം ഉസ്ബക്കിസ്ഥാനില് അറസ്റ്റിലാണ്. കേസ് സമഗ്രമായി അന്വേഷിക്കുന്നുണ്ടെന്ന് വിദേശകാര്യ മന്ത്രാലയവും ഭാരത എംബസിയുമായി ബന്ധപ്പെട്ട ആഭ്യന്തര മന്ത്രാലയവുമുറപ്പാക്കി ഇരയ്ക്കും കുടുംബത്തിനpw നീതി കിട്ടണമെന്നും സദാനന്ദന് മാസ്റ്റര് ആവശ്യപ്പെട്ടു.
