പത്തനംതിട്ട: ജില്ലാപഞ്ചായത്ത് അംഗം ശ്രീനാദേവി കുഞ്ഞമ്മയെ അപമാനിച്ചെന്ന പരാതിയില് കസ്റ്റഡിയിലെടുത്ത യൂട്യൂബര് രാജന് ജോസഫിനെതിരെ വീണ്ടും കേസെടുത്തു. ജാമ്യത്തില് ഇറങ്ങിയശേഷം വീണ്ടും സമൂഹമാധ്യമങ്ങളിലൂടെ അപകീര്ത്തികരമായ വീഡിയോ പുറത്തുവിട്ടെന്ന പരാതിയിലാണ് കേസ്.
ശ്രീനാദേവി കുഞ്ഞമ്മയാണ് രാജന് ജോസഫിനെതിരെ വീണ്ടും അടൂര് പൊലീസില് പരാതി നല്കിയത്. രാജന് ജോസഫ് ഒന്നാംപ്രതിയും സിബി തോമസ് രണ്ടാംപ്രതിയുമായാണ് കേസ്. കഴിഞ്ഞദിവസം ഇതേ സ്റ്റേഷനില് അറസ്റ്റിലായ രാജന് ജോസഫ് കോടതിയില് നിന്ന് ജാമ്യമെടുത്തിരുന്നു.പിന്നാലെയാണ് ഇയാള്ക്കെതിരെ വീണ്ടും കേസെടുത്തത്.
സമൂഹമാധ്യമങ്ങളിലൂടെ അപമാനിച്ചെന്ന ശ്രീനാദേവി കുഞ്ഞമ്മയുടെ പരാതിയില് ജാമ്യമില്ലാ വകുപ്പ് പ്രകാരം കേസെടുത്തതിന് പിന്നാലെ മലപ്പുറം സ്വദേശി രാജന് ജോസഫിനെ അടൂര് പൊലീസ് എറണാകുളത്ത് നിന്നുമാണ് പിടികൂടിയത്. ഒളിവില് പോയ രാജന് ജോസഫിനെ ഈമാസം 11ന് രാത്രിയാണ് പിടികൂടിയത്.
