കോട്ടയം: പാര്ലമെന്റ് പോലെ തന്നെയാണ് എൻ എസ് എസ് യോഗമെന്ന് എന്എസ്എസ് ജനറല് സെക്രട്ടറി ജി സുകുമാരന് നായര്. എന്എസ്എസിന്റെ ബജറ്റ് ദിനത്തിലാണ് സുരേഷ് ഗോപി എന്എസ്എസ് ആസ്ഥാനത്തെത്തിയതെന്നാണ് സുകുമാരന് നായര് പറഞ്ഞത്.
‘ എന്എസ്എസിനെ തീര്ക്കും എന്ന് പറഞ്ഞിട്ടുള്ളവര് തീര്ന്നിട്ടുള്ളതല്ലാതെ ഞങ്ങള്ക്ക് ഒരു വിഷമവും ഉണ്ടായിട്ടില്ല. ഉപരാഷ്ട്രപതിയെ ഞങ്ങള് മുന്പ് സ്വീകരിച്ചതാണ്. എന്എസ്എസ് അന്ന് പുഷ്പാര്ച്ചന നടത്തണമെന്ന് അദ്ദേഹം ആവശ്യപ്പെട്ടിട്ടില്ല. ഞാന് അങ്ങോട്ട് ചോദിക്കണമോ. സി വി ആനന്ദ ബോസിനോട് നല്ല രീതിയിലാണ് പെരുമാറിയത്. ആരും മന്നം സമാധിയില് പ്രാര്ത്ഥന നടത്താന് ആവശ്യപ്പെട്ടില്ല. നരസിംഹ റാവുവിനോടും പിണറായി വിജയനോടും നേരിട്ട് ഏറ്റുമുട്ടിയിട്ടുള്ള ആളാണ് ഞാൻ. ലോകംമുഴുവൻ നായന്മാരുണ്ടെന്നും അവരെല്ലാം വരുന്നത് കേരളത്തിലേക്കാണെന്നും ഡൽഹിയിലേക്കല്ലെന്നു ‘ സുകുമാരൻ നായർ പറഞ്ഞു.
