തിരുവനന്തപുരം: ഉമ്മന് ചാണ്ടിയെ ക്രൂശിക്കാന് ആണ് തന്നെ ഉപദ്രവിച്ചതെന്ന് ഉമ്മന്ചാണ്ടിയുടെ പി എ ആയിരുന്ന ടെന്നി ജോപ്പന്.13 വര്ഷമായി താനും കുടുംബവും അനുഭവിച്ച വേദനയ്ക്ക് പരിഹാരം ആയി. ദൈവത്തോടു നന്ദിയുണ്ട്. അറസ്റ്റിന് മുമ്പ് ചോദ്യം ചെയ്യാന് വിളിച്ചപ്പോള് ഐജി ഹേമചന്ദ്രന് മുഖത്തടിച്ചു.ശത്രുക്കള് പുറത്തല്ല, ഉള്ളില് തന്നെയായിരുന്നു.
കോടതി വിധി ഉമ്മന് ചാണ്ടിയ്ക്ക് സമര്പ്പിക്കുന്നുവെന്നും ടെന്നി ജോപ്പന് മാധ്യമങ്ങളോട് പ്രതികരിച്ചു. സോളാര് സാമ്പത്തിക തട്ടിപ്പ് കേസില് ടെന്നി ജോപ്പനെ പ്രതിപ്പട്ടികയില് നിന്ന് ഒഴിവാക്കാന് ഹൈക്കോടതി അനുമതി നല്കിയതിന് പിന്നാലെ മാധ്യമങ്ങളോട് പ്രതികരിക്കുകയായിരുന്നു ടെന്നി ജോപ്പന്.
അന്ന് കുടുക്കിയവര് എല്ലാം സന്തോഷിക്കട്ടെ.താന് ആരുടെയും പേര് പറയുന്നില്ലെന്നും ടെന്നി ജോപ്പന് പറഞ്ഞു. നിലവില് തനിക്ക് പെന്ഷന് കിട്ടുന്നില്ല. പുതിയ സര്ക്കാരിന് അപേക്ഷ നല്കി കാത്തിരിക്കുകയാണ്. മല്ലേലില് ശ്രീധരന് നായര് നല്കിയ കേസില് നിന്നാണ് ടെന്നി ജോപ്പനെ ഒഴിവാക്കിയത്. കേസില് മൂന്നാം പ്രതിയായിരുന്നു ഉമ്മന്ചാണ്ടിയുടെ പിഎ ആയിരുന്ന ടെന്നി ജോപ്പന്. സരിത നായര്ക്ക് പണം കൊടുക്കാന് ജോപ്പന് സമ്മര്ദ്ദം ചെലുത്തി എന്ന മല്ലേലി ശ്രീധരന് നായരുടെ മൊഴി അനുസരിച്ചാണ് ടെന്നി ജോപ്പനെ പ്രതിചേര്ത്തത്. ടെന്നി ജോപ്പന് ഈ കേസില് അറസ്റ്റിലായിരുന്നു.
ടെന്നി ജോപ്പനെതിനെതിരെ കേസുമായി മുന്നോട്ട് പോകാന് താത്പര്യമില്ലെന്ന് ശ്രീധരന് നായര് ഹൈക്കോടതിയെ അറിയിച്ചിരുന്നു. ജോപ്പനെതിരായ കേസ് കോടതിക്ക് പുറത്ത് പരിഹരിച്ചെന്നും അറിയിച്ചു. തുടര്ന്നാണ് ഹൈക്കോടതി ടെന്നി ജോപ്പനെ പ്രതിപ്പട്ടികയില് നിന്ന് ഒഴിവാക്കാന് അനുമതി നല്കിയത്.
