ധാക്ക: ഒളിച്ചോടിയ മുൻ പ്രധാനമന്ത്രി ഷെയ്ഖ് ഹസീന രാജ്യത്ത് തിരിച്ചെത്തിയാൽ ജയിലിലടയക്കുമെന്ന് ബംഗ്ലാദേശ് വിദേശകാര്യ വകുപ്പ് മന്ത്രി ഷമാ ഒബെയിദ് ഇസ്ലാം പ്രസ്താവിച്ചു.
നിരോധിത അവാമി ലീഗ് നേതാവ് ബംഗ്ലാദേശിലേക്ക് മടങ്ങിയെത്തിയാൽ അവർ ജയിലിലടയ്‌ക്കപ്പെടുമെന്ന പ്രസ്താവന, ഷെയ്ഖ് ഹസീന ഡിസംബറോടെ ധാക്കയിലേക്ക് മടങ്ങാൻ ഒരുങ്ങുകയാണെന്ന റിപ്പോർട്ടുകൾക്കിടെയാണ്.
ബംഗ്ലാദേശ് സ്ഥാപകൻ ഷെയ്ഖ് മുജിബുർ റഹ്മാന്റെ 78 വയസ്സുള്ള മകൾ ഹസീന, 2024 ആഗസ്ത് 5 ന് വിദ്യാർത്ഥികളുടെ നേതൃത്വത്തിൽ നടന്ന അക്രമാസക്തമായ തെരുവ് പ്രതിഷേധത്തിൽ രാജിവെക്കേണ്ടിവന്നു. ഭരണം പോയതിനെ തുടർന്ന് ധാക്കയിൽ നിന്ന് പലായനം ചെയ്തതുമുതൽ അവർ ഭാരതത്തിലാണ് അഭയം തേടിയിയെത്തിയത്. ‘അവർ കീഴടങ്ങിയാൽ, നിലവിലുള്ള നിയമമനുസരിച്ച് നടപടികൾ സ്വീകരിക്കും. അവർ ജയിലിലേക്ക് പോകേണ്ടിവരും. നിയമം അതിന്റേതായ വഴിക്ക് പോകും,’ വിദേശകാര്യ സഹമന്ത്രി ഷാമ ഒബായിദ് ഇസ്ലാമിനെ ഉദ്ധരിച്ച് സർക്കാർ നടത്തുന്ന ബിഎസ്എസ് വാർത്താ ഏജൻസി റിപ്പോർട്ട് ചെയ്തു.
ഹസീന കീഴടങ്ങിയാൽ നിലവിലുള്ള നിയമ ചട്ടക്കൂടിന് അനുസൃതമായി സർക്കാർ കർശനമായി മുന്നോട്ട് പോകുമെന്ന് ഷാമ പറഞ്ഞു.
ഹസീന ഡിസംബറോടെ ധാക്കയിലേക്ക് മടങ്ങാൻ തയ്യാറെടുക്കുകയാണെന്ന് ഹസീനയോട് അടുത്ത വൃത്തങ്ങൾ കഴിഞ്ഞയാഴ്ച പറഞ്ഞു. ഇത് പൂർണ്ണമായും സ്വമേധയാ ഉള്ള തീരുമാനമാണെന്ന് അവർ കൂട്ടിച്ചേർത്തു. ‘ഭാരതത്തിലായാലും ബംഗ്ലാദേശിലായാലും ഷെയ്ഖ് ഹസീന എവിടെ കീഴടങ്ങിയാലും ആദ്യം ജയിലിലേക്ക് പോകേണ്ടിവരും. ശിക്ഷിക്കപ്പെട്ട വ്യക്തിയുടെ പ്രസ്താവനകളെക്കുറിച്ച് സർക്കാരിന് ഒന്നും പരിഗണിക്കേണ്ടതില്ല,’ ഷമ മാധ്യമപ്രവർത്തകരോട് പറഞ്ഞു.
ഹസീന ഇതിനകം ശിക്ഷിക്കപ്പെട്ടിട്ടുണ്ടെന്നും അതിനാൽ, ശിക്ഷിക്കപ്പെട്ട വ്യക്തിയുടെ പ്രസ്താവനകളെക്കുറിച്ച് സർക്കാരിന് ഒന്നും പരിഗണിക്കേണ്ടതില്ലെന്നും അവർ തുടർന്നു.
2024ൽ വിദ്യാർത്ഥികളുടെ നേതൃത്വത്തിൽ നടന്ന പ്രതിഷേധങ്ങളെ ക്രൂരമായി അടിച്ചമർത്തുന്നതിൽ ‘മനുഷ്യത്വത്തിനെതിരായ കുറ്റകൃത്യങ്ങൾ’ ആരോപിച്ച് കഴിഞ്ഞ നവംബറിൽ ധാക്കയിലെ ഒരു പ്രത്യേക െ്രെടബ്യൂണൽ ഹസീനയെ അസാന്നിധ്യത്തിൽ വധശിക്ഷയ്‌ക്ക് വിധിക്കുകയായിരുന്നു.
ജന്മഭൂമി ഓണ്‍ലൈന്‍