തിരുവനന്തപുരം:സ്വകാര്യ ബസ് മേഖല നേരിടുന്ന പ്രശ്‌നങ്ങളില്‍ ഗതാഗത മന്ത്രി സി.പി. ജോണ്‍ ബസ് ഉടമകളുമായി ചര്‍ച്ച നടത്തി.ട്രാന്‍സ്‌പോര്‍ട്ട് കമ്മീഷണറുടെ ഓഫീസിലായിരുന്നു ചര്‍ച്ച.സ്ത്രീ സൗജന്യ യാത്രാ പദ്ധതി കെ എസ് ആര്‍ ടി സി നടപ്പാക്കിയതോടെ സ്വകാര്യ ബസ് സര്‍വീസ് വന്‍ നഷ്ടത്തിലായെന്ന ബസുടമകളുടെ പരാതിയെ തുടര്‍ന്നാണ് ചര്‍ച്ച നടന്നത്.
സ്വകാര്യ ബസുകളിലും സ്ത്രീ സൗജന്യ യാത്ര നടപ്പാക്കി ടിക്കറ്റിന്റെ പണം സര്‍ക്കാര്‍ നല്‍കണം എന്നാണ് ബസുടമകളുടെ പ്രധാന ആവശ്യം. ഡീസല്‍ സബ്‌സിഡി അനുവദിക്കുക, വിദ്യാര്‍ഥികളുടെ കണ്‍സെഷന്‍ നിരക്ക് വര്‍ധിപ്പിക്കുക തുടങ്ങിയ ആവശ്യങ്ങളും ബസുടകള്‍ ഉന്നയിച്ചു.
തീരുമാനമായില്ലെങ്കില്‍ സൂചനാ പണിമുടക്കുമായി മുന്നോട്ടുപോകാനാണ് സ്വകാര്യ ബസ് ഉടമകളുടെ തീരുമാനം.കെ എസ് ആര്‍ ടി സിയുടെ സ്ത്രീ സൗജന്യ യാത്രാ പദ്ധതി കാരണം പലയിടത്തും ബസ് സര്‍വീസുകള്‍ നിര്‍ത്തലാക്കേണ്ടി വന്നുവെന്ന് സ്വകാര്യ ബസുടകള്‍ പറയുന്നു.എന്നാല്‍ സ്വകാര്യ ബസുകള്‍ മറ്റ് വരുമാന സ്രോതസ് തേടണമെന്ന് മന്ത്രി പറഞ്ഞിരുന്നു.
