തിരുവനന്തപുരം: സംസ്ഥാനത്തെ വിദ്യാര്ത്ഥി ബസ് കണ്സെഷന് പ്രായപരിധി 24 ല് നിന്ന് 27 വയസ്സായി ഉയര്ത്തി. സഞ്ചാരപരിധി 40 കിലോമീറ്ററായും വര്ദ്ധിപ്പിച്ചു. രാവിലെ 6 മണി മുതല് വൈകിട്ട് 7 മണി വരെ വിദ്യാര്ത്ഥികള്ക്ക് കണ്സെഷന് നിരക്കില് യാത്ര ചെയ്യാം. സര്ക്കാര് അംഗീകൃത വിദ്യാഭ്യാസ സ്ഥാപനങ്ങളിലെ മുഴുവന് സമയ വിദ്യാര്ത്ഥികള്ക്ക് മാത്രമായിരിക്കും ആനുകൂല്യം. ക്രാഷ് കോഴ്സുകള് ചെയ്യുന്നവര്ക്കും പാര്ട്ട് ടൈം വിദ്യാര്ത്ഥികള്ക്കും കണ്സെഷന് ഇല്ല.
കണ്സെഷന് വിതരണം പൂര്ണ്ണമായും ഓണ്ലൈന് വഴിയാക്കും. ‘MVD leads’ എന്ന മൊബൈല് ആപ്പ് വഴിയാണ് കണ്സെഷനായി അപേക്ഷിക്കേണ്ടത്. ഇതിനായി
വിദ്യാഭ്യാസ സ്ഥാപനങ്ങള് ഈ ആപ്പില് രജിസ്റ്റര് ചെയ്യണം. മോട്ടോര് വാഹന വകുപ്പ് പരിശോധന നടത്തി ഇതിന് അപ്രൂവല് നല്കും. വിദ്യാര്ത്ഥികള്ക്ക് ആപ്പ് വഴി കണ്സെഷനായി അപേക്ഷിക്കാം.
