തിരുവനന്തപുരം: പ്രണയവും വിരഹവും ഭക്തിയും പോലെ എസ്. ജാനകിയ്ക്ക് അനായാസം വഴങ്ങുന്ന ഒന്നാണ് താരാട്ട് പാട്ടുകള്. മലയാളികള് എത്രയോ തലമുറ കുഞ്ഞുങ്ങളെ പാടിയുറക്കാന് മൂളിയത് എസ്. ജാനകിയുടെ താരാട്ട് പാട്ടുകളാണ്.
അവയില് പ്രശസ്തമായവയാണ് മലര്കൊടി പോലെ എന്ന് തുടങ്ങുന്ന ഗാനം. വിഷുക്കണി എന്ന സിനിമയ്ക്ക് വേണ്ടി ശ്രീകുമാരന് തമ്പി രചിച്ച ഗാനമാണിത്. മലര്കൊടി പോലെ വര്ണത്തുടി പോലെ
മയങ്ങൂ…. നീ എന് മടി മേലെ എന്ന വരികള് അന്ന് പാടാത്ത മലയാളി അമ്മമാരും അച്ഛന്മാരുമില്ല. സലില് ചൗധരിയാണ് ഈ ഗാനം ചിട്ടപ്പെടുത്തിയത്.
ഐ.വി. ശശി സംവിധാനം ചെയ്ത സീമയെ നായികാപദവിയിലേക്കുയര്ത്തിയ അവളുടെ രാവുകള് എന്ന സിനിമയില് ബിച്ചു തിരുമല എഴുതി എ.ടി. ഉമ്മര് സംഗീതം ചെയ്ത താരാട്ടു പാട്ടാണ് ഉണ്ണിയാരാരിരോ എന്ന ഗാനം. ബിച്ചു തിരുമലയുടെ ഈ വരികളെ താരാട്ടില് വിഷാദം കലര്ത്തി എസ്. ജാനകി മറ്റൊരു തലത്തിലേക്കുയര്ത്തുന്നു.
ഉണ്ണിയാരാരിരോ തങ്കമാരാരിരോ
എന്റെ പിഞ്ചോമനപൂങ്കുരുന്നാരാരിരോ
കൊച്ചു പൊന്നുംകിനാവിന്റെ പൂമഞ്ചലില്
ഏഴു ലോകങ്ങളും കണ്ടു വാ…
എന്ന വരികള് പ്രശസ്തമാണ്.
ആരാധന എന്ന സിനിമയിലെ ആരാരോ ആരിരാരോ അച്ഛന്റെ മോളാരാരോ എന്ന ഗാനവും മികച്ച തരാട്ടുപാട്ടാണ്. ബിച്ചു തിരുമല എഴുതി കെ.ജെ. ജോയ് സംഗീതം ചെയ്ത ഈ ഗാനം ഏറെ ശ്രദ്ധേയമായി. ഇതില് ജാനകിയുടെ ആലാപനവും മികച്ചതാണ്.
ജാനകി ഏറെ കാലത്തെ ഇടവേളയ്ക്ക് ശേഷം വീണ്ടും 2005ല് മലയാളത്തില് എത്തി. ഇക്കുറിയും ഒരു താരാട്ട് പാടാനാണ്. ദിലീപ് നായകനായ ലാല് ജോസിന്റെ സിനിമയായ ചാന്തുപൊട്ട് എന്ന സിനിമയ്ക്ക് വലിയൊരു അനുഭവം സമ്മാനിച്ച ഗാനമായിരുന്നു ഇത്. ഈ ഗാനത്തിന്റെ പ്രധാന്യം കാരണമാണ് ലാല് ജോസ് ജാനകിയെ തന്നെ പാടാന് വിളിച്ചത്. ആ ഗാനം സൂപ്പര് ഹിറ്റായി. വയലാര് ശരത്ചന്ദ്രവര്മ്മ എഴുതിയ ഗാനം ചിട്ടപ്പെടുത്തിയത് വിദ്യാസാഗറാണ്. ആഴക്കടലിന്റെ അങ്ങേക്കരയിലായ് നേരം വെളുക്കുന്ന മേട്ടില്….എന്ന ഈ ഗാനം ഈ സിനിമയിലെ ദിലീപിന്റെ ട്രാന്സ് ജെന്ഡര് കഥാപാത്രത്തെ അവതരിപ്പിക്കുന്ന ഗാനം കൂടിയായതിനാല് വലിയ പ്രാധാന്യമുള്ള ഗാനമാണ്. എസ്. ജാനകി അതിനെ അനശ്വരമാക്കുകയും ചെയ്തു.
ചാന്തുപൊട്ട് എന്ന സിനിമയിലെ ആഴക്കടലിന്റെ അങ്ങേക്കരയിലായ് നേരം വെളുക്കുന്ന മേട്ടില്…. എന്ന ഗാനം. വയലാര് ശരത്ചന്ദ്രവര്മ്മ എഴുതിയ ഗാനം ചിട്ടപ്പെടുത്തിയത് വിദ്യാസാഗറാണ്.
മലര്കൊടി പോലെ വര്ണത്തുടി പോലെ
മയങ്ങൂ. എന്ന ഗാനം സംഗീതം സലില് ചൗധരി രചന ശ്രീകുമാരന് തമ്പി:
ഉണ്ണിയാരാരിരോ എന്ന ഗാനം. ബിച്ചു തിരുമലയുടെ ഈ വരികളെ താരാട്ടില് വിഷാദം കലര്ത്തി എസ്. ജാനകി മറ്റൊരു തലത്തിലേക്കുയര്ത്തുന്നു. സംഗീതം എ.ടി. ഉമ്മര്:
