അമ്പലപ്പുഴ: ഉച്ചഭാഷിണി ഉപയോഗിക്കുന്നതിനുള്ള നിയന്ത്രണത്തില് മാറ്റം വരുത്തുമെന്ന് മന്ത്രി പി. സി. വിഷ്ണുനാഥ്. കലാകാരന്മാര്ക്ക് കൂടി സൗകര്യപ്രദമാകുന്ന തരത്തില് നിയന്ത്രണത്തിന്റെ സമയപരിധി കൂട്ടുമെന്നും മന്ത്രി പറഞ്ഞു. അഖില കേരള ഡാന്സ് ടീച്ചേഴ്സ് ട്രേഡ് യൂണിയന് സംസ്ഥാന വാര്ഷിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
നിലവില് രാത്രി 10ന് ഉച്ചഭാഷിണികളുടെ പ്രവര്ത്തനം അവസാനിപ്പിക്കണമെന്നാണ് നിയമം. ഈ നിയന്ത്രണത്തില് മാറ്റം വരുത്തണമെന്ന് കലാകാരന്മാര് ആവശ്യം ഉന്നയിച്ചിരുന്നു. കുറച്ചുകൂടി സമയം ദീര്ഘിപ്പിക്കുന്നത് സംബന്ധിച്ച് സര്ക്കാരിന്റെ ഔദ്യോഗിക തീരുമാനം ഉണ്ടാകും. നിയമത്തില് ഭേദഗതി ഉണ്ടാകുമെന്നും മന്ത്രി പറഞ്ഞു. ക്ഷേത്രാനുഷ്ഠാനങ്ങളുടെ കാര്യത്തില് പ്രാധാന്യം നല്കുന്ന സമീപനമാണ് സര്ക്കാര് സ്വീകരിക്കുന്നത്.
കോടിയേരി ബാലകൃഷ്ണന് ടൂറിസം മന്ത്രിയായിരുന്നപ്പോള് ആരംഭിച്ച ഉത്സവം പരിപാടികള് പുനരാരംഭിക്കും. ഇക്കാര്യത്തില് സര്ക്കാരിന് ദുരഭിമാനമില്ല. എല്ലാ കലാകാരന്മാര്ക്കും ഒരേപോലെ പരിഗണന നല്കുന്നതാണ് സര്ക്കാരിന്റെ നയമെന്നും മന്ത്രി പറഞ്ഞു.
