ന്യൂഡൽഹി : രാഹുൽ ഗാന്ധി പ്രധാനമന്ത്രിയാകുന്നത് ചരിത്രപരമായ അനിവാര്യതയാണെന്ന് തെലങ്കാന മുഖ്യമന്ത്രി എ. രേവന്ത് റെഡ്ഡി . തെലങ്കാനയ്ക്ക് സംസ്ഥാന പദവി നൽകിയതിന് സോണിയ ഗാന്ധിയോട് നന്ദി പറഞ്ഞുകൊണ്ട്, ഈ ലക്ഷ്യത്തെ പിന്തുണയ്ക്കാൻ തെലങ്കാനയിലെ ജനങ്ങളോട് അദ്ദേഹം അഭ്യർത്ഥിച്ചു.
മിഡ്ജിയിൽ നടന്ന പൊതുയോഗത്തിലാണ് സോണിയ ഗാന്ധിയെ വിശ്വസിക്കണമെന്നും, രാഹുലിനെ പ്രധാനമന്ത്രിയാക്കാൻ ഒരുമിച്ച് നിൽക്കണമെന്നും രേവന്ത് റെഡ്ഡി ആവശ്യപ്പെട്ടത്.
‘ കോൺഗ്രസ് ഭരണകൂടം വികസനം, ജലസേചനം, ക്ഷേമ പദ്ധതികൾ, തൊഴിലവസരങ്ങൾ സൃഷ്ടിക്കൽ എന്നിവയിൽ ശ്രദ്ധ കേന്ദ്രീകരിക്കുന്നു രാഹുൽ ഗാന്ധിയെ പ്രധാനമന്ത്രിയാക്കാനുള്ള ആദ്യപടി മിഡ്ജിൽ നിന്നാണ് ആരംഭിക്കേണ്ടത്. രാഹുൽ ഗാന്ധിയുടെ മുത്തശ്ശി ഇന്ദിരാഗാന്ധിയും പിതാവ് രാജീവ് ഗാന്ധിയും രാജ്യത്തിനുവേണ്ടി ജീവൻ ബലിയർപ്പിച്ചു.“ എന്നും രേവന്ത് റെഡ്ഡി പറഞ്ഞു.
