കാസര്കോട്: യൂട്യൂബര് ഖാദര് കരിപ്പൊടി, പ്രവാസിയായ അബ്ദുല് അഹദിനെ മര്ദ്ദിക്കുന്ന ദൃശ്യങ്ങള് പുറത്ത്. അടിവയറ്റില് ചവിട്ടുന്നതും കൊല്ലുമെന്ന് ഭീഷണിപ്പെടുത്തുന്നതും ദൃശ്യങ്ങളിലുണ്ട്.
അണങ്കൂരില് വച്ചാണ് ഖാദര് കരിപ്പൊടിയും കൂട്ടാളികളും അബ്ദുല് അഹദിനെ മര്ദിച്ചത്. ഖാദര് കരിപ്പൊടി തനിക്കെതിരെ നടത്തിയത് ക്വട്ടേഷന് ആക്രമണമെന്ന് അബ്ദുല് അഹദ് പറഞ്ഞു. തന്റെ വ്യാപാര ഇടപാടുകാരനുമായി ബന്ധപ്പെട്ടുള്ള സാമ്പത്തിക ഇടപാട് ചോദിക്കാന് എന്ന് പറഞ്ഞ് വിളിച്ച് വരുത്തി മര്ദിക്കുകയായിരുന്നു. ദിവസങ്ങള് കഴിഞ്ഞിട്ടും പൊലീസ് ഇയാളെ അറസ്റ്റ് ചെയ്യാത്തത് സ്വാധീനമുള്ളത് കൊണ്ടെന്ന് സംശയമുണ്ടെനും അബ്ദുല് അഹദ് പറഞ്ഞു.
ഇന്ഫ്ലുവന്സര് എന്ന നിലയിലുള്ള സൈബര് സ്വാധീനം ഉപയോഗിച്ച് ഖാദര് കരിപ്പൊടി തന്നെ സോഷ്യല് മീഡിയയിലൂടെ നിരന്തരം വ്യക്തിഹത്യ നടത്തുകയും അപമാനിക്കുകയും ചെയ്യുകയാണെന്നും അബ്ദുല് അഹദ് പറഞ്ഞു.ശക്തമായ നിയമനടപടികളുമായി മുന്നോട്ടുപോകുമെന്നും അബ്ദുള് അഹദ് വ്യക്തമാക്കി.
