പത്തനംതിട്ട: ഗതാഗത മന്ത്രിയുടെ ആഹ്വാനം ശിരസാവഹിച്ച് സ്വകാര്യ ബസ് ജീവനക്കാര്. സ്വകാര്യ ബസുകളിലെ ജീവനക്കാര് ടിക്കറ്റിതര വരുമാനത്തെക്കുറിച്ച് ആലോചിക്കണമെന്ന മന്ത്രി സി പി ജോണിന്റെ ആഹ്വാനമാണ് ബസ് സ്റ്റാന്ഡില് പലഹാരക്കച്ചവടം നടത്തി ജീവനക്കാര് ട്രോളിയത്. പത്തനംതിട്ട സ്വകാര്യ ബസ് സ്റ്റാന്ഡില് ഒരു ജീവനക്കാരന് പലഹാരപായ്ക്കറ്റ് വില്ക്കുന്ന വീഡിയോ സോഷ്യല് മീഡിയയില് വൈറലാണ്.
കെ. എസ്. ആര്.ടിസിയില് സ്ത്രീയാത്രക്കാര്ക്ക് സൗജന്യയാത്ര ഏര്പ്പെടുത്തിയതോടെ സ്വകാര്യ ബസ് നടത്തിപ്പ് പ്രതിസന്ധിയിലായിരുന്നു. പല സ്വകാര്യബസുകളും സര്വീസ് നിറുത്തിവയ്ക്കാന് തീരുമാനിച്ചതോടെ ഗതാഗത മന്ത്രി ചര്ച്ചയ്ക്കു വിളിച്ചു. സ്വകാര്യബസ് ഉടമകളും ജീവനക്കാരും ടിക്കറ്റിതര വരുമാനങ്ങളെക്കുറിച്ച് ആലോചിക്കണമെന്നായിരുന്നു മന്ത്രിയുടെ നിര്ദേശം. കെഎസ്ആര്ടിസിയില് പരസ്യം ചെയ്യുന്നതുപോലെ സ്വകാര്യബസുകളിലും പരസ്യം നല്കാമെന്നും കാര്ഗോ സംവിധാനം കൊണ്ടുവരുന്ന കാര്യം പരിഗണിക്കാമെന്നും മന്ത്രി പറഞ്ഞിരുന്നു.
