ആലപ്പുഴ: തന്ത്രി കണ്ഠര് രാജീവര്ക്കും താഴമണ് മഠത്തിനുമെതിരെ സാമൂഹ്യമാധ്യമത്തിലൂടെ നടക്കുന്ന സൈബര് ആക്രമണങ്ങള്ക്കെതിരെ ആഭ്യന്തരമന്ത്രി രമേശ് ചെന്നിത്തലയ്ക്ക് പരാതി നല്കി തന്ത്രിയുടെ ഭാര്യ. മധുമണിമല എന്ന ആള്ക്കെതിരെയാണ് തന്ത്രി കണ്ഠര് രാജീവരുടെ ഭാര്യ ബിന്ദു രാജീവ് പരാതി നല്കിയത്.
നിരന്തരം അധിക്ഷേപകരമായ ഉള്ളടക്കങ്ങള് പ്രചരിപ്പിച്ച് കുടുംബത്തെയും താഴമണ് മഠത്തെയും ജനമധ്യത്തില് മോശമായി ചിത്രീകരിക്കാന് ശ്രമിക്കുന്നു എന്നാണ് പ്രധാന പരാതി. രമേശ് ചെന്നിത്തലയ്ക്ക് നേരിട്ട് കൈമാറിയ പരാതിക്കൊപ്പം സൈബര് ആക്രമണത്തിന്റെ വ്യാപ്തി വ്യക്തമാക്കുന്ന ഡിജിറ്റല് തെളിവുകളും നല്കി.
സാമൂഹ്യ മാധ്യമത്തിലൂടെ തങ്ങള്ക്കെതിരെ നടന്ന വ്യാജ പ്രചാരണങ്ങളുടെ സ്ക്രീന്ഷോട്ടുകളും ദൃശ്യങ്ങളും അടങ്ങിയ പെന്ഡ്രൈവാണ് പരാതിക്കൊപ്പം നല്കിയത്. സംഭവത്തില് കൃത്യമായ അന്വേഷണം നടത്തി കുറ്റക്കാര്ക്കെതിരെ ശക്തമായ നിയമനടപടി സ്വീകരിക്കണമെന്നാണ് ആവശ്യം.
