വാഷിംഗ്ടണ്‍:മറ്റുള്ളവര്‍ ഉണ്ടാക്കി വച്ചത് എടുത്ത് കൊടുക്കുന്നതാണ് കമ്യൂണിസ്റ്റുകളുടെ പണിയെന്ന് അമേരിക്കന്‍ പ്രസിഡന്‍റ് ട്രംപിന്റെ പരിഹാസം.
കമ്യൂണിസ്റ്റ് ആകാന്‍ എളുപ്പമാണെന്നും ട്രൂത്ത് സോഷ്യലിലൂടെ ട്രംപ് പരിഹസിച്ചു. വിദേശ നിക്ഷേപകര്‍ക്കായി ക്യൂബ വിപണി തുറന്നുകൊടുത്തതിനു പിന്നാലെയാണ് ട്രംപിന്റെ പ്രസ്താവന. ഒടുവില്‍ കമ്യൂണിസ്റ്റുകള്‍ വരുതിക്കു വന്നെന്നും താനിത് കാലങ്ങളായി കാത്തിരിക്കുകയായിരുന്നുവെന്നും ട്രംപ് പറഞ്ഞു. (
കമ്യൂണിസ്റ്റ് പ്രത്യയശാസ്ത്രം ലോകത്തൊരിടത്തും പ്രാവര്‍ത്തികമായിട്ടില്ലെന്നും ട്രംപ് ട്രൂത്ത് സോഷ്യലില്‍ കുറിച്ചു. കളി കാണാനിരിക്കുന്നതേയുള്ളു, കണ്ട് ആസ്വദിക്കൂ’ എന്ന് ട്രംപ് പറയുന്നു. ആയിരക്കണക്കിന് വര്‍ഷങ്ങളായി ഈ പ്രത്യയശാസ്ത്രത്തിന് ഒരിക്കല്‍പ്പോലും നേരായി പ്രവര്‍ത്തിക്കാന്‍ കഴിഞ്ഞിട്ടില്ലെന്നും ട്രംപ് പരിഹസിച്ചു.
ന്യൂയോര്‍ക്ക് സിറ്റി മേയര്‍ സൊഹ്റാന് മംദാനിയുടെ പിന്തുണയുള്ള രണ്ട് സ്ഥാനാര്‍ഥികള്‍ പ്രൈമറി ഇലക്ഷനില്‍ മുന്നേറുന്ന പശ്ചാത്തലത്തില്‍ കൂടിയാണ് ട്രംപ് കമ്മ്യൂണിസ്റ്റുകള്‍ക്കെതിരെ രൂക്ഷ പരിഹാസം ചൊരിയുന്നത്. ന്യൂയോര്‍ക്ക് നഗരം തന്നെ കമ്മ്യൂണിസ്റ്റുകള്‍ കയ്യടക്കിയെന്നും ട്രംപ് കുറ്റപ്പെടുത്തി. വാടകയ്‌ക്ക് കെട്ടിടങ്ങള്‍ നല്‍കുന്ന ഉടമകളില്‍ നിന്നും നിയമലംഘനം ആരോപിച്ച് വാടകക്കാര്‍ക്ക് നടത്താന്‍ കൊടുക്കുന്നത് അടക്കം അമ്പരപ്പിക്കുന്ന കമ്മ്യൂണിസ്റ്റ് രീതികള്‍ ന്യൂയോര്‍ക്ക് മേയറായ സൊഹ്റാന് മംദാനി നടപ്പാക്കിവരുന്നതും ട്രംപിനെ അസ്വസ്ഥനാക്കുന്നു.
