ന്യൂദല്ഹി:കെ എസ് ആര് ടി സി ബസുകളില് സ്ത്രീകള്ക്ക് സൗജന്യ യാത്ര അനുവദിക്കുന്ന പ്രിയദര്ശിനി പദ്ധതി കാരണം പ്രതിദിനം 2.5 കോടി രൂപയുടെ നഷ്ടമുണ്ടെന്ന് ഗതാഗത മന്ത്രി സി.പി. ജോണ്. കെഎസ്ആര്ടിസിയില് ടിക്കറ്റ് ഇതര വരുമാനം വര്ധിപ്പിക്കേണ്ടതുണ്ടെന്നും മന്ത്രി പറഞ്ഞു.
സംസ്ഥാന സര്ക്കാര് ഒരു കിലോമീറ്ററിന് 55 രൂപ വീതം നല്കിയാല് സ്ത്രീകള്ക്ക് സൗജന്യ യാത്ര അനുവദിക്കാമെന്ന് സ്വകാര്യ ബസ് ഉടമകള് അറിയിച്ചിട്ടുണ്ട്. ഈ നിര്ദേശം പരിശോധിക്കും. ദല്ഹിയില് മാധ്യമങ്ങളോട് സംസാരിക്കുകയായിരുന്നു സി.പി. ജോണ്.
കെഎസ്ആര്ടിസിയില് ശമ്പളവും പെന്ഷനും മുടങ്ങാതെ നല്കും. ഓര്ഡിനറി ബസുകളുടെ എണ്ണം വര്ധിപ്പിക്കാന് ഉടന് ഉദ്ദേശിക്കുന്നില്ല. ദല്ഹിയില് ഹൈഡ്രജന് ബസില് യാത്ര ചെയ്ത മന്ത്രി കേരളത്തിലും ഇത്തരം ബസുകള് എത്തിക്കുന്നതിനെ കുറിച്ച് ആലോചിക്കുന്നുണ്ടെന്ന് പറഞ്ഞു.
