തിരുവനന്തപുരം: മുഖ്യമന്ത്രിയുടെ ദുരിതാശ്വാസ നിധിയില് നിന്ന് പിണറായി സര്ക്കാര് 262.06 കോടി രൂപ വകമാറ്റിയെന്ന് സിഎജി റിപ്പോര്ട്ട്. വകമാറ്റിയത് കാന്സര് ബാധിതരായ കുട്ടികള്, പ്രളയം, വയനാട് ഉരുള്പൊട്ടല് തുടങ്ങിയ ആവശ്യങ്ങള്ക്ക് ധനസഹായം നല്കുന്നതിന് പൊതുജനങ്ങളില് നിന്നും സര്ക്കാര് ജീവനക്കാരില് നിന്നും ലഭിച്ച സംഭാവനകള് തുടങ്ങിയ സര്ക്കാരിതര ഫണ്ടുകള്. 2024-25ല് സെപ്ഷല് ട്രഷറി സേവിങ്സ് ബാങ്ക് അക്കൗണ്ടുകളില് കിടന്ന ദുരിതാശ്വാസ നിധിയില് നിന്നാണ് 262.06 കോടി സഞ്ചിത നിധിയിലേക്ക് വകമാറ്റിയത്.
ആ വര്ഷത്തെ റവന്യൂ കമ്മിയും ധനക്കമ്മിയും 262.06കോടി കുറച്ച് കാണിക്കാനായിരുന്നു ഈ നടപടി. ഇക്കാര്യം ധനകാര്യ സെക്രട്ടറി സിഎജിയോട് സമ്മതിച്ചിട്ടുണ്ട്. എല്ലാ വര്ഷവും ധനക്കമ്മി കുറച്ച് കാണിക്കാന് ദുരിതാശ്വാസ നിധി മാറ്റാറുണ്ടെന്നും അത് അടുത്ത സാമ്പത്തിക വര്ഷത്തിന്റെ തുടക്കത്തില് തന്നെ ദുരിതാശ്വാസ നിധിയുടെ അക്കൗണ്ടുകളിലേക്ക് മാറ്റാറുണ്ടെന്നും ഇനി ആവര്ത്തിക്കില്ലെന്നുമാണ് ധന സെക്രട്ടറി സിഎജിക്ക് നല്കിയ മറുപടി. മുന് സര്ക്കാരിന് ധന മാനേജ്മെന്റില് പാളിച്ചയുണ്ടായെന്ന് സിഎജി വിമര്ശിച്ചിട്ടുണ്ട്.
റവന്യൂ ചെലവിന്റെ 64.40 ശതമാനവും വരവിന്റെ 80 ശതമാനവും ശമ്പളം അടക്കമുള്ള ആനുകൂല്യങ്ങള്ക്കായി ഉപയോഗിക്കപ്പെടുന്നുവെന്നും 2024ലെ കണക്കുകള് ഓഡിറ്റ് ചെയ്ത റിപ്പോര്ട്ടില് വിശദമാക്കുന്നു.
