ന്യൂഡൽഹി : മലയാളത്തിന്റെ പ്രിയ നടൻ മമ്മൂട്ടി പദ്മഭൂഷൺ ബഹുമതി ഏറ്റുവാങ്ങുന്ന ദൃശ്യങ്ങളാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. രാഷ്ട്രപതി ഭവനിൽ നടന്ന വർണ്ണാഭമായ ചടങ്ങിൽ രാഷ്ട്രപതി ദ്രൗപതി മുർമുവാണ് ബഹുമതി സമ്മാനിച്ചത്.
രാഷ്ട്രപതിയുടെ അടുക്കലേക്ക് പോകുന്നതിന് മുൻപ് പ്രധാനമന്ത്രി നരേന്ദ്ര മോദി, ലോക്സഭ സ്പീക്കർ ഓം ബിർള, ആഭ്യന്തരമന്ത്രി അമിത് ഷാ എന്നിവരെ മമ്മൂട്ടി കൈകൂപ്പി അഭിവാദ്യം ചെയ്തു. മമ്മൂട്ടിയെ മോദിയും പുഞ്ചിരിയോടെ പ്രത്യഭിവാദ്യം ചെയ്തു. സദസിനെയും നോക്കി വന്ദിച്ച ശേഷമാണ് പത്മപുരസ്ക്കാരം ഏറ്റുവാങ്ങാനായി മമ്മൂട്ടി രാഷ്ട്രപതിയ്ക്ക് സമീപം എത്തിയത്.
സുരേഷ് ഗോപിയുടെ മകളുടെ വിവാഹത്തിനെത്തിയ പ്രധാനമന്ത്രിയെ മമ്മൂട്ടി വന്ദിച്ചില്ലെന്ന് ചൂണ്ടിക്കാട്ടിയവർക്ക് മുന്നിലേയ്ക്കാണ് ഇരുവരും അഭിവാദ്യം ചെയ്യുന്ന മനോഹരമായ ചിത്രങ്ങൾ എത്തിയത്.
1998-ൽ പദ്മശ്രീ നൽകി ആദരിച്ച മമ്മൂട്ടി, 28 വർഷങ്ങൾക്ക് ശേഷമാണ് പദ്മഭൂഷൺ പുരസ്കാരത്തിന്റെ തിളക്കത്തിലേക്ക് എത്തുന്നത്.
