തിരുവനന്തപുരം: പി എം ശ്രീയില് നിന്ന് പിന്മാറണമെന്ന് ആവശ്യപ്പെട്ട് എ ഐ വൈ എഫ് – എ ഐ എസ് എഫ് സംഘടനകള് നടത്തിയ നിയമസഭാ മാര്ച്ചില് പ്രവര്ത്തകര്ക്ക് നേരെ ജലപീരങ്കിയില് നിന്ന് പൊലീസ് ചീറ്റിയത് മലിനജലമെന്ന് പ്രതിപക്ഷ നേതാവ് പിണറായി വിജയന്. കുപ്പിയില് വെള്ളവുമായി പിണറായി വിജയന് നിയമസഭയില് എത്തി. ഇത് ആവര്ത്തിക്കരുതെന്നും അദ്ദേഹം മുന്നറിയിപ്പ് നല്കി.
രാവിലെ സഭയില് ചര്ച്ച ചെയ്തത് ആരോഗ്യ പ്രശ്നങ്ങളാണ്. അമീബിക് മസ്തിഷ്ക ജ്വരം പരത്തുന്ന വെള്ളമാകും.മോശമായ കാര്യമാണ്. കേരളത്തില് ആദ്യമായല്ല ജലപീരങ്കി പ്രയോഗിക്കുന്നതെന്ന് ആഭ്യന്തര മന്ത്രി രമേശ് ചെന്നിത്തല മറുപടി പറഞ്ഞു. ജലപീരങ്കിയില് വെള്ളം നിറയ്ക്കുന്നത് ജല അതോറിറ്റിയില് നിന്നാണ്.
പഴയകാലത്തെ വെള്ളം ആണോ എന്നറിയില്ല.ഇക്കാര്യം പരിശോധിക്കുമെന്നും മന്ത്രി രമേശ് ചെന്നിത്തല മറുപടി നല്കി.പബ്ലിക് ലാബില് അയച്ച് പരിശോധിക്കാന് നിര്ദേശം നല്കിയെന്നും അദ്ദേഹം പറഞ്ഞു.തുടര്ന്ന് പ്രശ്നം സഭയില് ചര്ച്ചയാക്കേണ്ടെന്ന് സ്പീക്കര് പറഞ്ഞു. ലാബ് ടെസ്റ്റ് ഫലം വന്നതിനു ശേഷം മലിന ജലമാണെന്ന് കണ്ടെത്തിയാല് അപ്പോള് ചര്ച്ച ചെയ്യാം. ഇപ്പോള് സഹകരിക്കണമെന്ന് സ്പീക്കര് ആവശ്യപ്പെട്ടു.
